വയനാട് വാകേരിയിലെ ജനവാസ മേഖലയിൽ ഇറങ്ങിയ കടുവയെ ചത്ത നിലയിൽ കണ്ടെത്തി. സ്വകാര്യ തോട്ടത്തിലാണ് കടുവയുടെ ജഡം കണ്ടെത്തിയത്. ആറ് വയസോളം പ്രായമുള്ള പെൺ കടുവയാണ് ചത്തത്. വ്യാഴാഴ്ചയാണ് കടുവയെ ജനവാസമേഖലയില്‍ കണ്ടത്.

കടുവയുടെ പിൻവശത്തെ കാലിന് പരുക്കേറ്റ് പഴുപ്പ് ശരീരത്തിൽ ബാധിച്ച നിലയിലാണ്. മറ്റ് അസുഖങ്ങളും മരണകാരണമായെന്നാണ് പ്രാഥമിക നിഗമനം. കടുവകള്‍ തമ്മില്‍ ഏറ്റുമുട്ടലുണ്ടായോ എന്നും സംശയിക്കുന്നുണ്ട്. പോസ്റ്റുമോർട്ടത്തിന് ശേഷമെ വ്യക്തത വരൂവെന്ന് സൗത്ത് വയനാട് ഡിഎഫ്ഒ ഷജ്ന കരീം അറിയിച്ചു.