വിഴിഞ്ഞം തുറമുഖ പദ്ധതി പ്രദേശത്ത് വൻ സംഘർഷം. നിര്‍മാണസ്ഥലത്തേക്ക് പാറയുമായി വന്ന ലോറികള്‍ സമരാനുകൂലികള്‍ തടഞ്ഞു. ലോറിക്ക് മുന്നില്‍ കിടന്ന് പ്രതിഷേധിക്കുകയും ചെയ്തു. വിഴിഞ്ഞം പദ്ധതിയെ അനുകൂലിക്കുന്നവരും എതിർക്കുന്നവരും തമ്മിലും തർക്കമുണ്ടായി. പോലീസിന് നേരെയും കല്ലേറുണ്ടായി. തുടർന്ന് പോലീസ് ലാത്തി വീശി.
നിർമ്മാണ പ്രവർത്തനം ഇന്ന് മുതല്‍ പുനരാരംഭിക്കുമെന്ന് അദാനി ഗ്രൂപ്പ് അറിയിച്ചിരുന്നു. ഇക്കാര്യമറിയിച്ച് സർക്കാരിന് കത്തും നല്‍കി. ഇതിന് ശേഷമാണ് പദ്ധതി പ്രദേശത്തേയ്ക്ക് കല്ലുമായി ലോറികള്‍ എത്തിയത്. എന്നാല്‍ സംഘടിച്ചെത്തിയ സമരക്കാർ വാഹനം തടയുകയായിരുന്നു.