മഹാരാഷ്ട്രാ സ്പീക്കര്‍ തിരഞ്ഞെടുപ്പില്‍ ബിജെപിയുടെ നിയമ സഭാംഗം രാഹുല്‍ നര്‍വേക്കറെ നിയമസഭാസ്പീക്കറായി തിരഞ്ഞെടുത്തു. ഇതോടെ നാളെ നടക്കുന്ന വിശ്വാസ വോട്ടില്‍ ഷിന്‍ഡെ സർക്കാർ വിശ്വാസ വോട്ട് നേടുമെന്ന് ഉറപ്പായി.
164 വോട്ടുകളുടെ പിന്തുണയോടെയാണ് ബിജെപിയും ഷിന്‍ഡെ വിഭാഗവും കരുത്തുകാട്ടിയത്. മഹാരാഷ്ട്രാ നിയമസഭയില്‍ ഷിന്‍ഡെ സര്‍ക്കാരിന്റെ ആദ്യ വിജയമാണിത്. ശിവസേനാ എംഎല്‍എ രാജന്‍ സാല്‍വിയായിരുന്നു മഹാ അഘാഡി സഖ്യത്തിന്റെ സ്ഥാനാര്‍ത്ഥി. 107 വോട്ടുകളാണ് അഘാടി സഖ്യത്തിന് ലഭിച്ചത്.
ഞായറാഴ്ച്ച രാവിലെ 11 മണിക്ക് സഭാനടപടികള്‍ ആരംഭിച്ചതിനു ശേഷമം സ്പീക്കര്‍ സ്ഥാനത്തേക്കുള്ള തിരഞ്ഞെടുപ്പ് ആരംഭിച്ചു. മഹാവികാസ് അഘാഡി സഘ്യം വോട്ടെടുപ്പ് ആവശ്യപ്പെടുകയായിരുന്നു. തലയെണ്ണിയാണ് വോട്ടെടുപ്പ് നടത്തിയത്. വോട്ടെടുപ്പില്‍ നിന്ന് രണ്ട് സമാജ്വാദി പാര്‍ടി എംഎല്‍മാര്‍ വിട്ടുനിന്നു.