റാഞ്ചിയിൽ നടന്ന യോനെക്സ് - സൺറൈസ് അഖിലേന്ത്യാ റാങ്കിങ് ബാഡ്മിൻറനിൽ മലയാളി സ്‌കൂള്‍ വിദ്യാര്‍ഥിനിക്ക് ഇരട്ടക്കിരീടം. ദുബായിയില്‍ ഏഴാം ക്ലാസ് വിദ്യാര്‍ഥിനിയായ അലക്സിയ എല്‍സ അലക്‌സാണ്ടറാണ്‌ ഡബിള്‍സില്‍ സ്വര്‍ണവും സിംഗിള്‍സില്‍ വെള്ളിയും നേടിയത്. അണ്ടർ 13 വിഭാഗം ഡബിൾസിൽ തെലങ്കാനയുടെ ഹംസിനി ചാദരം ആയിരുന്നു അലക്സിയയുടെ കൂട്ടാളി.
നേരത്തെ കൊൽക്കത്തയിൽ ഇതേ പരമ്പരയിൽ സിംഗിൾസിലും ഡബിൾസിലും വെങ്കലം നേടിയിരുന്നു. ദുബായിയിൽ ആണ് താമസമെങ്കിലും ബാഡ്മിൻ്റൻ അസോസിയേഷൻ ഓഫ് ഇന്ത്യയുടെ കീഴിലാണ് അലക്സിയ മത്സരിക്കുന്നത്.
അടൂർ കണ്ണംകോട് അറപുറയിൽ ലൂയി വില്ലയിൽ റോമി അലക്സാണ്ടർ ലൂയിസിൻ്റെയും റീജ റോമിയുടെയും മകളാണ് അലക്സിയ. റീജ സംസ്ഥാന ബാസ്ക്കറ്റ്ബോൾ താരമായിരുന്നു.2019 ൽ ഇറ്റലിയിൽ ഇന്ത്യൻ മാസ്റ്റേഴ്സ് ടീമിലും കളിച്ചു.