ബാഡ്മിന്റണിൽ ഇന്ത്യയുടെ മൂന്നാം സ്വർണം നേടി സാത്വിക് സായ്രാജ് രങ്കിറെഡ്ഡി -ചിരാഗ് ഷെട്ടി സഖ്യം. പുരുഷന്മാരുടെ ഡബിൾ‍സില്‍ ഇംഗ്ലണ്ടിന്റെ ബെന്‍ ലെയ്ന്‍, സീന്‍ വെന്‍ഡി സഖ്യത്തെ പരാജയപ്പെടുത്തിയാണ് ഇന്ത്യൻ സഖ്യത്തിന്റെ സുവര്‍ണനേട്ടം.

നേരിട്ടുള്ള സെറ്റുകൾക്കായിരുന്നു ഇന്ത്യൻ ജയം. ആദ്യ സെറ്റ് 21 - 15 , രണ്ടാം സെറ്റ് 21 - 13 നാണ് സ്വന്തമാക്കിയത്. ഗോൾഡ്‌കോസ്റ്റ്‌ കോമണ്‍വെല്‍ത്ത് ഗെയിംസിൽ സായി ചിരാഗ് സഖ്യം വെള്ളി നേടിയിരുന്നു. കോമണവെല്‍ത്ത് ഗെയിംസ് ചരിത്രത്തില്‍ ആദ്യമായാണ് ഇന്ത്യന്‍ പുരുഷ ബാഡ്മിന്റണ്‍ ടീം സ്വര്‍ണം നേടുന്നത്.