2023 ഏകദിന ലോകകപ്പിന് മുൻപായി ഐസിസിയുടെ ഭാഗ്യചിഹ്നങ്ങള്‍ അനാവരണം ചെയ്തു. അടുത്ത തലമുറയിലെ ആരാധകരെ ആകര്‍ഷിക്കുന്ന തരത്തിലാണ് ചിഹ്നങ്ങള്‍ തയ്യാറാക്കിയിരിക്കുന്നത്. ലിംഗ സമത്വവും വൈവിധ്യവും പരിഗണിച്ച് രൂപകല്പന ചെയ്തിരിക്കുന്ന ചിഹ്നങ്ങള്‍ക്ക് പേരിടാന്‍ ആരാധകര്‍ക്ക് അവസരം നല്‍കുന്നു എന്ന അറിയിപ്പോടെയാണ് രണ്ട് ചിഹ്നങ്ങളും പ്രദര്‍ശിപ്പിച്ചത്.
ഓഗസ്റ്റ് 27ന് മുമ്പായാണ് ആരാധകര്‍ പേര് സമര്‍പ്പിക്കേണ്ടത്. ജസ്പ്രിത് ബുംറ, വിരാട് കോഹ്‌ലി, ജോസ് ബട്‌ലര്‍, പെറി തുടങ്ങിയവരുടെ പ്രകടനം ഭാഗ്യചിഹ്നങ്ങളുമായി ചേര്‍ത്തു വച്ചുള്ള വീഡിയോയും ഐസിസി പങ്കുവച്ചിട്ടുണ്ട്.
ഐസിസി അണ്ടര്‍ 19 വനിതാ ടീം ക്യാപ്റ്റന്മാരായ ഷഫാലി വര്‍മ, യാഷ് ദുല്‍ എന്നിവരുടെ സാന്നിധ്യത്തില്‍ ഇന്ത്യയിലെ ഗുരുഗ്രാമില്‍ നടന്ന പരിപാടിയിലാണ് ഈ കഥാപാത്രങ്ങളെ അവതരിപ്പിച്ചത്. ക്രിസ്റ്റോവേഴ്‌സ് എന്ന 'ക്രിക്കറ്റ് ഉട്ടോപ്യ'യില്‍ (സാങ്കല്‍പ്പിക രാജ്യം) നിന്നുള്ള ഈ ഭാഗ്യ ചിഹ്നങ്ങള്‍ക്ക് ഐസിസി ടൂര്‍ണമെന്റുകളിലെ ആരാധകരുടെ ഊര്‍ജം വര്‍ധിപ്പിക്കാനും അവരെ ആവേശത്തിലാറാടിക്കാനുമുള്ള കഴിവുണ്ടെന്ന് ഐസിസി പറയുന്നു.
പ്രധാനമായും വളര്‍ന്നു വരുന്ന പുതുതലമുറയെയാണ് ഈ ഭാഗ്യ ചിഹ്നങ്ങള്‍ കണ്ണുവയ്ക്കുന്നത്
പ്രധാനമായും വളര്‍ന്നു വരുന്ന പുതുതലമുറയെയാണ് ഈ ഭാഗ്യ ചിഹ്നങ്ങള്‍ കണ്ണുവയ്ക്കുന്നത്. അടുത്ത തലമുറയിലെ ക്രിക്കറ്റ് ആരാധകരുമായി ഇടപഴകാനും ഐസിസി ഇവന്റുകള്‍ക്കുമപ്പുറം അവരുമായി ബന്ധപ്പെടാനുമാണ് ഈ ഭാഗ്യചിഹ്നങ്ങള്‍ കൊണ്ട് ഐസിസി ലക്ഷ്യമിടുന്നത്.