ഏഷ്യാ കപ്പ് മത്സരങ്ങൾക്കിടയിൽ ശ്രേയസ് അയ്യർക്ക് വീണ്ടും പരുക്ക്. പരുക്കിന്റെ പിടിയിൽ അകപ്പെട്ട് മാസങ്ങൾക്ക് ശേഷം രിച്ചു വന്ന ശ്രേയസ് ഇതോടെ ഏഷ്യാ കപ്പില്‍ ശേഷിക്കുന്ന മത്സരങ്ങള്‍ കളിച്ചേക്കില്ല. മടങ്ങിവരവിന് ശേഷം രണ്ടാം മത്സരത്തില്‍ പരുക്കേറ്റത് താരത്തിന്റെ ഫിറ്റ്‌നെസ് സംബന്ധിച്ചും ചോദ്യമുയര്‍ത്തുന്നുണ്ട്. വിടാതെ പിന്തുടരുന്ന പരുക്ക് ശ്രേയസിന്റെ ലോകകപ്പ് സ്വപ്‌നങ്ങളും തുലാസിലാക്കിയിരിക്കുകയാണ്.
നേപ്പാളിനെതിരായ മത്സര സമയത്ത് ശ്രേയസ് അയ്യർക്ക് പുറം വേദന ഉണ്ടായതോടെ പാകിസ്താനെതിരായ സൂപ്പർ ഫോർ മത്സരത്തിൽ ശ്രേയസിനെ ഉള്‍പ്പെടുത്തിയിരുന്നില്ല. പകരം കെഎല്‍ രാഹുലാണ് ടീമില്‍ ഇടംനേടിയത്. എന്നാൽ പരുക്കിന്റെ സ്ഥിതിയോ എത്ര കാലത്തേയ്ക്ക് മത്സരത്തിൽ നിന്ന് മാറി നിൽക്കേണ്ടി വരുമെന്നതിനെ കുറിച്ചോ വ്യക്തമല്ല.
ശസ്ത്രക്രിയയ്ക്ക് ശേഷം ബെംഗളൂരുവിലെ ദേശീയ ക്രിക്കറ്റ് അക്കാദമിയിൽ ഫിറ്റ്‌നെസ് ട്രെയിനിങ്ങിലായിരുന്ന ശ്രേയസ് ഏഷ്യാ കപ്പ് ടൂർണമെന്റിന്റെ 15 ദിവസം മുൻപാണ് ഫിറ്റ്നസ് വീണ്ടെടുത്തത്. സഞ്ജു സാംസണെ റിസർവ് താരമായി ടീമിൽ എടുത്തിരുന്നെങ്കിലും രാഹുൽ തിരിച്ചെത്തിയതോടെ സഞ്ജുവിനെ നാട്ടിലേക്ക് മടക്കി അയച്ചിരുന്നു.