കേരളാ ഫുട്‌ബോ മുന്‍ താരവും 1973-ലെ സന്തോഷ് ട്രോഫി കിരീടം നേടിയ ടീമിലെ പ്രധാന താരങ്ങളിലൊരാളുമായ എം.ആര്. ജോസഫ് അന്തരിച്ചു. 75 വയസായിരുന്നു. കേരളാ ടീമിനു പുറമേ എഫ്.എ.സി.ടി, കെ.എസ്.ആര്.ടി.സി, പോര്‍ട്ട് ട്രസ്റ്റ് ടീമുകള്‍ക്കായിരുന്നും ജോസഫ് കളിച്ചിട്ടുണ്ട്.
1973-ല്‍ കേരളം ആദ്യമായി സന്തോഷ് ട്രോഫി കിരീടത്തില്‍ മുത്തമിട്ടപ്പോള്‍ ടീമിനു വേണ്ടി മികച്ച പ്രകടനം കാഴ്ചവച്ച താരങ്ങളിലൊരാളാണ് ജോസഫ്. അന്ന് സെമിഫൈനലിന്റെ ആദ്യപാദത്തില്‍ കരുത്തരായ മഹാരാഷ്ട്രയെ കേരളം കീഴടക്കിയത് ജോസഫിന്റെ മികവിലായിരുന്നു. മത്സരത്തില്‍ ഒരു ഗോള്‍ നേടാനും ഒന്നിനു വഴിയൊരുക്കാനും ജോസഫിനു കഴിഞ്ഞിരുന്നു.
എറണാകുളം തൈക്കൂടം പൂളത്ത് ലെയ്‌നില്‍ സെന്റ് ജയിംസ് ചാപ്പലിനു സമീപം മായത്തട്ടകത്ത് വീട്ടിലായിരുന്നു താമസം. സംസ്‌കാരം ഇന്ന് വൈകിട്ട് 4:30ന് എറണാകുളം തൈക്കൂടം സെന്റ് റാഫേല്‍സ് പള്ളി സെമിത്തേരിയില്‍. ഭാര്യ: അല്‍ഫോന്‍സ. മക്കള്‍: വിജു, സിജു, മിഥുന്‍. മരുമക്കള്‍: ജിസി, ദിവ്യ, ലിഡ.