ദക്ഷിണാഫ്രിക്കയുടെ പോരാട്ടവീര്യത്തെയും തോല്‍പിച്ച് ഇന്ത്യ കോമണ്‍വെല്‍ത്ത് ഗെയിംസ് ഹോക്കി ഫൈനലില്‍ കടന്നു. ഇന്നലെ രാത്രി നടന്ന ആദ്യ സെമിയില്‍ രണ്ടിനെതിരേ മൂന്നു ഗോളുകള്‍ക്കായിരുന്നു ഇന്ത്യന്‍ ജയം.
ഇന്ത്യക്കു വേണ്ടി അഭിഷേക്, മന്‍ദീപ് സിങ്, ജുഗ്‌രാജ് എന്നിവരാണ് സ്‌കോര്‍ ചെയ്തത്. റയാന്‍ ജൂലിയസ്, മുസ്തഫ എന്നിവരുടെ വകയായിരുന്നു ദക്ഷിണാഫ്രിക്കയുടെ ഗോളുകള്‍. മത്സരത്തില്‍ മിന്നുന്ന സേവുകളുമായി നായകനും മലയാളി താരവുമായ പി.ആര്. ശ്രീജേഷും ഇന്ത്യന്‍ ജയത്തില്‍ നിര്‍ണായക പങ്കുവഹിച്ചു.
കഴിഞ്ഞ തവണ ഓസ്‌ട്രേലിയയിലെ ഗോള്‍ഡ് കോസ്റ്റില്‍ നാലാം സ്ഥാനം കൊണ്ടു തൃപ്തിപ്പെടേണ്ടി വന്ന ഇന്ത്യയുടെ തകര്‍പ്പന്‍ തിരിച്ചുവരവാണ് ബിര്‍മിങ്ഹാമില്‍ കണ്ടത്. തിങ്കളാഴ്ച നടക്കുന്ന കലാശപ്പോരില്‍ ഇന്ത്യ ഓസ്‌ട്രേലിയ-ഇംഗ്ലണ്ട് മത്സരത്തിലെ വിജയികളെ നേരിടും.