കോമൺവെൽത്ത്‌ ഗെയിംസ് ബോക്സിങ്ങിൽ ഇന്ത്യയ്ക്ക് വീണ്ടും സ്വർണം. വനിതകളുടെ ലൈറ്റ് ഫ്‌ളൈവെയ്റ്റ് വിഭാഗത്തിൽ നിഖാത് സരീനാണ് സ്വർണം നേടിയത്. എല്ലാ റൗണ്ടിലും മുഴുവൻ പോയിന്റും നേടി എതിരില്ലാത്ത അഞ്ച് പോയിന്റുകൾക്കായിരുന്നു നിഖാത്തിന്റെ വിജയം. ബിർമിംഗ്ഹാം കോമൺവെൽത്ത്‌ ഗെയിംസിലെ എല്ലാ മത്സരങ്ങളിലും ഇതേ സ്കോറിനായിരുന്നു നിഖാത്തിന്റെ വിജയം.
ക്വാർട്ടറിലും സെമിയിലും സമ്പൂർണ ആധിപത്യം പുലർത്തിയ നിഖാത് ഫൈനലിലും തന്റെ മികവ് തുടർന്നു. വടക്കൻ അയർലൻഡ് തരാം കാർലി മക്നൗളിനെയാണ് ഇന്ത്യൻ താരം ഫൈനലിൽ തോൽപ്പിച്ചത്. കഴിഞ്ഞ കോമൺവെൽത്ത്‌ ഗെയിംസിലെ വെള്ളിമെഡൽ ജേതാവായിരുന്നു കാർലി മക്നൗൾ.
2019 ഏഷ്യൻ ഗെയിംസിൽ വെങ്കലം നേടിയ നിഖാത് 2022ൽ ഇസ്താംബുളില്‍ നടന്ന ലോക ചാമ്പ്യൻഷിപ്പിൽ സ്വർണം നേടിയിരുന്നു. ഇതോടെ പതിനേഴ് സ്വർണവും പന്ത്രണ്ട് വെള്ളിയും പത്തൊൻപത് വെങ്കലവുമായി ഇന്ത്യക്ക്.