ദീപാവലിയോട് അനുബന്ധിച്ച് ഓണ്‍ലൈന്‍ ഷോപ്പിങ് വെബ്സൈറ്റുകളായ ഫ്ലിപ്കാർട്ടിലും ആമസോണിലുമൊക്കെ ഓഫറുകളുടെ പെരുമഴയാണ്. പ്രത്യേകിച്ചും സ്മാർട്ട്ഫോണുകള്‍ക്ക്. ജീവതത്തിന്റെ ഭാഗമായി മാറിയ സ്മാർട്ട്ഫോണ്‍ ഇന്ന് ഉപയോഗിക്കാത്തവർ ചുരുക്കമാണ്. ഷോപ്പിങ് മുതല്‍ പണം കൈമാറാന്‍ വരെ നിമിഷനേരം കൊണ്ട് ഒരു ഫോണുണ്ടെങ്കില്‍ സാധിക്കും.

ദീപാവലി ആഘോഷങ്ങള്‍ക്ക് ഇരട്ടി മധുരമായി ഒരു ഐഫോണ്‍ കയ്യിലേക്ക് എത്തിയാല്‍ എങ്ങനെയുണ്ടാകും, അതും കേവലം 20,000 രൂപയ്ക്ക്. എങ്ങനെയെന്നല്ലേ?

ഐഫോണ്‍ 15 സീരീസ് ആപ്പിള്‍ ലോഞ്ച് ചെയ്തിട്ട് മാസങ്ങള്‍ മാത്രമാണ് പിന്നിട്ടുകഴിഞ്ഞു. എങ്കിലും 2022ല്‍ വിപണിയിലെത്തിയ ഐഫോണ്‍ 14ന് ഇന്നും ആവശ്യക്കാർ ഏറെയാണ്. ആമസോണില്‍ 14 പ്രോ മാത്രമാണ് ലഭ്യമായിട്ടുള്ളത്. പക്ഷേ, ഫ്ലിപ്കാർട്ടില്‍ 14 ന്റെ ബേസ് മോഡലും വില്‍പ്പനയ്ക്കുണ്ട്.

128 ജിബി സ്റ്റോറേജ് വരുന്ന ഐഫോണ്‍ 14ന് 69,000 രൂപയാണ് വിപണി വില. എന്നാല്‍ ഫ്ലിപ്കാർട്ടില്‍ 57,999 രൂപയ്ക്ക് ഫോണ്‍ ലഭ്യമാണ്. എന്നാല്‍ ഇതിന് പുറമെ വലിയൊരു ഓഫർ ഓണ്‍ലൈന്‍ ഷോപിങ് സൈറ്റ് മുന്നോട്ട് വയ്ക്കുന്നുണ്ട്. എക്സ്ചേഞ്ച് ഓഫർ വഴി ഐഫോണ്‍ 14ന് 42,000 രൂപ വരെ കിഴിവ് ലഭിക്കും.

എക്സ്ചേഞ്ച് ഓഫർ ഇത്രയും ലഭിക്കുകയാണെങ്കില്‍ ഫോണിന്റെ വില കേവലം 15,999 രൂപയായി ചുരുങ്ങും. ഇതിനു പുറമെ ചില ക്രെഡിറ്റ് കാർഡുകള്‍ക്ക് പത്ത് ശതമാനം ഓഫറമുണ്ട്. ഐഫോണ്‍ 14 ന്റെ 128 ജിബി, 512 ജിബി വേരിയെന്റുകള്‍ക്ക് മാത്രമാണ് ഈ ഓഫറുള്ളത്.

സമാന ഓഫർ ഐഫോണ്‍ 14 പ്ലസിനുമുണ്ട്. 79,900 രൂപയാണ് 14 പ്ലസിന്റെ വിപണി വില. ഫ്ലിപ്കാർട്ടില്‍ ഫോണ്‍ 63,999 രൂപയ്ക്ക് നിലവില്‍ ലഭ്യമാണ്. ഇതിനുപുറമെ 42,000 രൂപയുടെ എക്സ്ചേഞ്ച് ഓഫറും ക്രെഡിറ്റ് കാർഡുകളുടെ 10 ശതമാനം കിഴിവുമുണ്ട്.