കൂയിലൂര്‍ എന്ന ഗ്രാമത്തിന്റെ ചരിത്ര വഴികള്‍ ഡയറിയില്‍ പകര്‍ത്തിയ ഒരു സാധാരണക്കാരന്റെ കഥയാണിത്. 1979 മുതലിങ്ങോട്ട് ആ പ്രദേശത്തും, സംസ്ഥാനത്ത് ആകെയും നടക്കുന്ന പ്രധാന സംഭവങ്ങളെല്ലാം കുഞ്ഞിരാമേട്ടന്റെ ഡയറിയിലുണ്ടാവും. മരം വെട്ടുകാരനായ അദ്ദേഹം മുതലാളിമാരുടെ തട്ടിപ്പുകള്‍ പുറത്തുകൊണ്ടുവരുന്നതിനായി തുടങ്ങിയ ശീലം പിന്നീട് ജീവിതത്തിന്റെ ഭാഗമായി മാറുകയായിരുന്നു. ഇതിനിടെ ഗമയ്ക്ക് വളർത്തിത്തുടങ്ങിയ മീശ പിന്നീട് കുഞ്ഞിരാമന്റെ ട്രേഡ്മാർക്ക് ആയി.കുയിലൂർ പഞ്ചായത്തിലും, ആ നാട്ടുകാര്‍ക്ക് മുഴുവനും കഴിഞ്ഞു പോയ പ്രധാന സംഭവങ്ങളുടെ തിയ്യതികള്‍ക്കും വിവരങ്ങള്‍ക്കുമെല്ലാം കുഞ്ഞിരാമേട്ടന്റെ ഡയറി തന്നെ ആശ്രയം.