പാകിസ്താന്‍ മുന്‍ പ്രധാനമന്ത്രി ഇമ്രാന്‍ ഖാന് വെടിയേറ്റു. ഗുജ്റന്‍വാലയില്‍ ഇമ്രാന്‍ ഖാന് നയിച്ച സര്‍ക്കാരിനെതിരായ ലോങ് മാര്‍ച്ചിനിടെയാണ് വെടിവെപ്പുണ്ടായത്. വലത് കാലിന് വെടിയേറ്റ ഇമ്രാന്‍ ഖാനെ ആശുപത്രിയിലേക്ക് മാറ്റി. ഇമ്രാന്‍ ഖാന്റെ പാര്‍ട്ടിയിലെ നിരവധി പ്രമുഖ നേതാക്കളുള്‍പ്പെടെ നിരവധി പേര്‍ക്ക് വെടിയേറ്റതായാണ് റിപ്പോര്‍ട്ടുകള്‍.
റാലിക്ക് നേരെ വെടിയുതിര്‍ത്തയാള്‍ അറസ്റ്റിലായതായി തെഹ്‌രിക് ഇ ഇന്‍സാഫ് നേതാവ് അസ്ഹര്‍ മഷ്‌വാനി ട്വീറ്റ് ചെയ്തു. ഇയാളുടെ വിശദാംശങ്ങള്‍ ലഭ്യമായിട്ടില്ല. വൈകിട്ട് 4.20 ഓടെയായിരുന്നു ആക്രമണമെന്നാണ് റിപ്പോര്‍ട്ടുകള്‍.
മെയ് 25ന് ശേഷം രാജ്യത്ത് ഇമ്രാന്‍ ഖാന് നടത്തിയ ഏറ്റവും വലിയ റാലിയായിരുന്നു ഇന്ന് നടന്നത്. ഇസ്ലാമാബാദില്‍ നിന്ന് 200 കിലോമീറ്റര്‍ അകലെയാണ് വെടിവെപ്പുണ്ടായ മേഖല.