സ്ഥാന ത്യാഗം ചെയ്ത ബെനഡിക്ട് പതിനാറാമൻ മാർപാപ്പ അത്യാസന്ന നിലയില്‍. തന്റെ മുന്‍ഗാമിയായ ബെനഡിക്ട് പതിനാറാമന്റെ ആരോഗ്യനില മോശമാണെന്ന് ഫ്രാന്‍സിസ് മാര്‍പാപ്പയാണ് അറിയിച്ചത്. പ്രായാധിക്യത്തിന്റെ അവശതകളാല്‍ ചികിത്സയിലാണ് 95കാരനായ ബെനഡിക്ട് പതിനാറാമന്‍.

ബെനഡിക്ടിന്റെ ആരോഗ്യ നില വഷളായി വരികയാണെന്നും അദ്ദേഹത്തിന്റെ നില നിയന്ത്രണ വിധേയമല്ലെന്നും പോപ്പ് ഫ്രാൻസിസ് വ്യക്തമാക്കി. വൈദ്യ സഹായത്താലാണ് ജീവൻ നിലനിർത്തുന്നതെന്നും മാര്‍പാപ്പ പറഞ്ഞു.

ജോണ്‍ പോള്‍ രണ്ടാമന്‍ മാര്‍പാപ്പയുടെ മരണത്തെ തുടര്‍ന്നാണ് 2005ല്‍ ബെനഡിക്ട് പതിനാറാമൻ സ്ഥാനാരോഹിതനായത്. 2005 മുതല്‍ 2013 വരെ സഭയുടെ തലവനായി തുടർന്നു. സഭയെ നയിക്കാനുള്ള ശാരീരിരവും മാനസികവുമായ കരുത്ത വെളിപ്പെടുത്തി 2013 ഫെബ്രുവരി 28നാണ് അദ്ദേഹം സ്ഥാനമൊഴിഞ്ഞത്. പിന്നീട് റോമിന് തെക്കുഭാഗത്തുള്ള വേനല്‍കാല വസതിയിലേക്ക് താമസം മാറിയ ശേഷം പ്രായാധിക്യത്തിന്റെ അവശതകള്‍ അനുഭവിക്കുന്നുണ്ടായിരുന്നു.

സ്ഥാന ത്യാഗം ചെയ്ത മാര്‍പാപ്പ എന്ന പ്രത്യേകതയും അദ്ദേഹത്തിനുണ്ട്. 600 വര്‍ഷം മുന്‍പ് സ്ഥാനമൊഴിഞ്ഞ പോപ്പ് ഗ്രിഗറി പന്ത്രണ്ടാമനായിരുന്നു ഇതിനു മുന്‍പ് ഇത്തരത്തില്‍ മാര്‍പാപ്പ പദവിയൊഴിഞ്ഞത്. ബെനഡിക്ട് സ്ഥാനമൊഴിഞ്ഞതിന് ശേഷമാണ് തെക്കേ അമേരിക്കയിൽ നിന്നുള്ള ആദ്യ മാർപ്പാപ്പയായി ഫ്രാൻസിസ് മാർപ്പാപ്പ തിരഞ്ഞെടുക്കപ്പെട്ടത്.