വെബ് ഡെസ്ക്
ശ്രദ്ധ വാക്കറിനെ കൊലപെടുത്തിയ ശേഷം ശരീര ഭാഗങ്ങള്‍ ഉപേക്ഷിച്ചു എന്ന് പറയുന്ന വനത്തില്‍ നിന്ന് 10-13 അസ്ഥികള്‍ പോലീസ് കണ്ടെത്തി. തലയോട്ടി ഇനിയും കണ്ടെത്താനായിട്ടില്ല
അസ്ഥികൾ ഏതെങ്കിലും മൃഗത്തിന്റേതാണോ എന്നറിയാൻ ഫോറൻസിക് ലാബില്‍ പരിശോധനയ്ക്ക് അയച്ചു
കത്തികൊണ്ടേറ്റ മുറിവിന്റെ ചികിത്സ തേടി അഫ്താബ് മെയ് മാസത്തിൽ ഒരു ഡോക്ടറെ സന്ദർശിച്ചിരുന്നു. അഫ്താബ് അസ്വസ്ഥനായിരുന്നുവെന്നും പഴങ്ങൾ മുറിക്കുന്നതിനിടെ പരുക്കേറ്റതാണെന്നുമാണ് ഡോക്ടറോട് പറഞ്ഞത്
രക്തവും കണ്ടെടുത്ത ശരീരഭാഗങ്ങളുമായി യോജിക്കുന്നുണ്ടോ എന്നറിയാൻ ശ്രദ്ധയുടെ അച്ഛന്റെ ഡിഎൻഎ സാമ്പിളുകൾ പോലീസ് ശേഖരിച്ചിട്ടുണ്ട്
അഫ്താബിന്റെ ഫ്ലാറ്റിൽ നിന്ന് 300 രൂപയുടെ വാട്ടർ ബിൽ കണ്ടെത്തിയത്, അയാൾ വലിയ അളവിൽ വെള്ളം ഉപയോഗിച്ചുവെന്ന് തെളിയിക്കുന്നതാണെന്ന് പോലീസ്. കൊലപാതകത്തിന് ശേഷം രക്തവും മറ്റ് തെളിവുകളും നീക്കം ചെയ്യാനായി വെള്ളം ഉപയോഗിച്ചതാകാം എന്ന് പോലീസ് സംശയിക്കുന്നു
ഛത്തർപൂർ പഹാഡിയിലെ ഇവ‍ർ താമസിച്ച വാടകവീട്ടിൽ നടത്തിയ പരിശോധനയിൽ രക്തത്തിന്റെ അംശങ്ങളും ശ്രദ്ധയുടേതെന്ന് പറയപ്പെടുന്ന ബാഗും ലഭിച്ചു. രക്തസാമ്പിളുകള്‍ പരിശോധനയ്ക്കയച്ചിട്ടുണ്ട്
പ്രതിയെ നാർക്കോ ടെസ്റ്റ് നടത്താൻ അനുമതി തേടി പോലീസ് കോടതിയെ സമീപിച്ചു