വെബ് ഡെസ്ക്
മുന്‍ മുഖ്യമന്ത്രിയും മുതിര്‍ന്ന കോണ്‍ഗ്രസ് നേതാവുമായ ഉമ്മന്‍ ചാണ്ടിയ്ക്ക് ആദരാഞ്ജലി അര്‍പ്പിച്ച് മലയാള സിനിമാ താരങ്ങള്‍. മോഹൻലാൽ,സുരേഷ് ഗോപി, മഞ്ജു വാര്യർ,കുഞ്ചാക്കോ ബോബന്‍, പ്രിയങ്ക നായര്‍, അരുൺ ഗോപി എന്നിവർ അനുശോചനം രേഖപ്പെടുത്തി
പ്രഥമപരിഗണന എപ്പോഴും ജനങ്ങൾക്ക് നൽകിയ പ്രിയപ്പെട്ട നേതാവും, സാധാരണക്കാരൻ്റെ പ്രശ്നങ്ങൾ കേൾക്കാനും പരിഹരിക്കാനും അവരിലേക്കിറങ്ങി ചെന്ന മനുഷ്യസ്നേഹിയുമായിരുന്നു, പ്രിയപ്പെട്ട ഉമ്മൻ ചാണ്ടി സർ. നാടിന് ഒട്ടേറെ നേട്ടങ്ങളും പുരോഗതിയും സമ്മാനിച്ചാണ് അദ്ദേഹം ഈ ലോകത്തോട് വിടപറഞ്ഞത്- മോഹൻലാൽ
പൊതു ജീവിതത്തിലും വ്യക്തിജീവിതത്തിലും നിസ്വാര്‍ഥതയുടെ പര്യായം എന്ന് നിസ്സംശയം പറയാവുന്ന വ്യക്തിത്വം. കേരള ജനതയ്ക്കും വ്യക്തിപരമായി തനിക്കും സംഭവിച്ച തീരാനഷ്ടം- കുഞ്ചാക്കോ ബോബൻ
ജനഹൃദയങ്ങളിലായിരുന്നു.... ജനങ്ങൾക്കിടയിലായിരുന്നു എന്നും....ആദരാഞ്ജലികൾ- അരുൺ ഗോപി
മുൻ മുഖ്യമന്ത്രി ഉമ്മൻ ചാണ്ടി സാറിന് ആദരാഞ്ജലികൾ എന്നായിരുന്നു സുരേഷ് ഗോപിയുടെ വാക്കുകൾ
പൃഥ്വിരാജ്, മഞ്ജു വാര്യർ, നിവിൻ പോളി, ടൊവീനോ തോമസ്, വിനയ് ഫോർട്ട്, ഷൈൻ ടോം ചാക്കോ എന്നിവരും സാമൂഹ്യ മാധ്യമത്തിലൂടെ അനുശോചനം രേഖപ്പെടുത്തി
മുന്‍ മുഖ്യമന്ത്രിയും മുതിര്‍ന്ന കോണ്‍ഗ്രസ് നേതാവുമായ ഉമ്മന്‍ ചാണ്ടി (79) പുലര്‍ച്ചെ 4.25നാണ് മരിച്ചത്. അര്‍ബുദ രോഗരോഗബാധിതനായി ചികിത്സയിലിരിക്കെ ബെംഗളൂരുവിലെ ചിന്മയാ മിഷന്‍ ആശുപത്രിയില്‍ വെച്ച് നായിരുന്നു അന്ത്യം
ഫേസ്ബുക്ക് പോസ്റ്റിലൂടെ മകന്‍ ചാണ്ടി ഉമ്മനാണ് മരണ വാര്‍ത്ത അറിയിച്ചത്. കോൺഗ്രസിന്റെ മുതിർന്ന നേതാക്കളായ മല്ലികാർജുൻ ഖാർഗെ, സോണിയ ഗാന്ധി, സിദ്ധരാമയ്യ തുടങ്ങി നിരവധി പേർ അദ്ദേഹത്തിന് ആദരാഞ്ജലി അർപ്പിച്ചു