വെബ് ഡെസ്ക്
ദഹനപ്രക്രിയ ആരോഗ്യവുമായി ബന്ധപ്പെട്ടിരിക്കുന്നെന്ന് അറിയാമല്ലോ? രാവിലെ ആരോഗ്യകരമായ പാനീയങ്ങള്‍ കുടിക്കുന്നത് നിങ്ങളുടെ വിശപ്പും ശരീരഭാരവും നിയന്ത്രിക്കുന്നതിന് സഹായിക്കും.
ശരീരഭാരം കുറയ്ക്കാന്‍ ഏറ്റവും അനുയോജ്യമായ നാല് പാനീയങ്ങള്‍ ഏതൊക്കെയാണെന്ന് നോക്കാം.
നാരങ്ങാ വെള്ളം
ചെറുനാരങ്ങയില്‍ പെക്റ്റിന്‍ അടങ്ങിയിട്ടുണ്ട്. ഇത് നിങ്ങളുടെ വിശപ്പിനെ നിയന്ത്രിക്കാന്‍ സഹായിക്കും.
രാവിലെ നാരങ്ങാവെള്ളം കുടിക്കുന്നത് ശരീരത്തിലെ വിഷവസ്തുക്കളെ പുറന്തള്ളുന്നതിനും ദഹനത്തെ സുഗമമാക്കുന്നതിനും സഹായിക്കും.
അയമോദകം
ദഹനം സുഗമമാക്കുന്നതിന് അയമോദകം വെള്ളം കുടിക്കുന്നത് ഗുണം ചെയ്യും. ഇതില്‍ കൊഴുപ്പ് സംഭരണം കുറവായതിനാല്‍ ശരീരഭാരം കുറയ്ക്കാന്‍ സഹായിക്കുന്നു.
അയമോദകം ചേര്‍ത്ത വെള്ളത്തിന് ആന്റിസെപ്റ്റിക്, ആന്റിമൈക്രോബയല്‍, ആന്റിപാരാസിറ്റിക് ഗുണങ്ങളുണ്ട്. രാവിലെ വെറുംവയറ്റില്‍ അയമോദക വെള്ളം കുടിക്കുന്നത് വയറിലെ കൊഴുപ്പ് കുറയ്ക്കാന്‍ സഹായിക്കും.
മഞ്ഞള്‍ വെള്ളം
മഞ്ഞളില്‍ ആന്റിഇന്‍ഫ്‌ളമേറ്ററി ഗുണങ്ങളുണ്ട്. ഇത് ശരീരത്തിലെ വീക്കം കുറയ്ക്കാന്‍ സഹായിക്കും. ഇതിലൂടെ ശരീരഭാരം കുറയ്ക്കാന്‍ സഹായിക്കും.
നെയ്യും ചൂടുവെള്ളവും
ആരോഗ്യകരമായ കൊഴുപ്പുകളാല്‍ സമ്പുഷ്ടമാണ് നെയ്യ്. ചെറുചൂട് വെള്ളത്തില്‍ നെയ്യ് കലര്‍ത്തി കുടിക്കുന്നത് ദഹനത്തിന് സഹായിക്കും. മാത്രമല്ല ശരീരത്തിലെ കലോറി കുറയ്ക്കുന്നതിനും സഹായിക്കും.