വെബ് ഡെസ്ക്
വയറിളക്ക രോഗങ്ങള് ഉണ്ടാകാന് ഏറെ സാധ്യതയുള്ള കാലമാണ് മഴക്കാലം. ലോകത്ത് 5 വയസിന് താഴെയുള്ള കുട്ടികളുടെ മരണങ്ങളില് രണ്ടാമത്തെ മരണ കാരണം വയറിളക്ക രോഗങ്ങളാണ്.
ശരീരത്തില് നിന്നും ജലാശവും ലവണങ്ങളും നഷ്ടപ്പെട്ട് മരണത്തിന് വരെ കാരണമാകുന്ന കോളറ, ഷിഗല്ല തുടങ്ങിയ വയറിളക്ക രോഗങ്ങള് മൂലമുള്ള മരണം പ്രത്യേകിച്ച് കുട്ടികളില് തടയാന് ഒആര്എസ് പാനീയ ചികിത്സയിലൂടെ കഴിയും.
ഒആര്എസില് ഗ്ലൂക്കോസ്, സോഡിയം ക്ലോറൈഡ്, സോഡിയം സിട്രേറ്റ്, പൊട്ടാഷ്യം ക്ലോറൈഡ് എന്നിവ അടങ്ങിയിരിക്കുന്നു.
ജൂലൈ 29 ലോക ഒ.ആര്എസ്. ദിനം.
ഒആര്എസ്. തയ്യാറാക്കേണ്ട വിധം
വൃത്തിയുള്ള പാത്രത്തില് ഒരു ലിറ്റര് (5 ഗ്ലാസ്) തിളപ്പിച്ചാറിയ വെള്ളം എടുക്കുക.
ഒരു പാക്കറ്റ് ഒ.ആര്.എസ്. വെള്ളത്തിലിട്ട് സ്പൂണ് കൊണ്ട് നന്നായി ഇളക്കുക.
വയറിളക്ക രോഗമുള്ള രോഗികള്ക്ക് ഈ ലായനി നല്കേണ്ടതാണ്.
കുഞ്ഞുങ്ങള്ക്ക് ചെറിയ അളവില് നല്കാം. ഛര്ദ്ദിയുണ്ടെങ്കില് 5 മുതല് 10 മിനിറ്റ് കഴിഞ്ഞ് വീണ്ടും നല്കുക.
ഒരിക്കല് തയ്യാറാക്കിയ ലായനി 24 മണിക്കൂറിന് ശേഷം ഉപയോഗിക്കാന് പാടില്ല.