മാനസികാരോഗ്യം സംരക്ഷിക്കാൻ ഈ പോഷകങ്ങളും അത്യാവശ്യമാണ്

മാനസികാരോഗ്യം വളരെ പ്രധാനപ്പെട്ട ഒന്നാണ്. മാനസികാരോഗ്യം സംരക്ഷിക്കാൻ മറ്റു കാര്യങ്ങളോടൊപ്പം അത്യാവശ്യമായ ഒന്നാണ് പോഷകാഹാരം

കൃത്യവും ആരോഗ്യകരവുമായ ഭക്ഷണക്രമം മാനസികക്ഷേമത്തിനുള്ള ആദ്യത്തെ പടിയാണ്. നല്ല മാനസികാരോഗ്യം പ്രോത്സാഹിപ്പിക്കുന്നതിനും ഉത്കണ്ഠ കുറയ്ക്കുന്നതിനും പോഷകങ്ങൾ പ്രധാന പങ്ക് വഹിക്കുന്നു

അതിനായി ഉൾപ്പെടുത്തേണ്ട ചില പോഷകങ്ങൾ ഇതാ

വിറ്റാമിൻ ഡി: വിറ്റാമിൻ ഡിക്ക് ഇമ്മ്യൂണോമോഡുലേറ്ററി, ന്യൂറോപ്രൊട്ടക്റ്റീവ്, ന്യൂറോട്രോഫിക് ഗുണങ്ങളുണ്ട്. ഇത് ഉത്കണ്ഠയുടെ പാത്തോഫിസിയോളജിയിൽ ഉൾപ്പെട്ടിരിക്കുന്ന മസ്തിഷ്ക കോശങ്ങളെ സ്വാധീനിച്ചേക്കാം

എൻഎസി: എൻഎസിയുടെ പ്രവർത്തനം വിട്ടുമാറാത്ത കോശജ്വലനത്തിൽനിന്ന് സംരക്ഷിക്കുന്നു. ഇത് പല മാനസിക വൈകല്യങ്ങളുടെയും രോഗനിർണയത്തിൽ ഉൾപ്പെട്ടിരിക്കുന്ന ഒന്നാണ്

തലച്ചോറിലെ ഗ്ലൂട്ടാമേറ്റ് എന്ന ന്യൂറോ ട്രാൻസ്മിറ്ററിന്റെ സന്തുലിതാവസ്ഥയെ എൻഎസി സ്വാധീനിക്കും. ഗ്ലൂട്ടാമേറ്റിലെ അസന്തുലിതാവസ്ഥ ഉത്കണ്ഠയുമായി ബന്ധപ്പെട്ടിരിക്കുന്നു, ഈ ബാലൻസ് പുനഃസ്ഥാപിക്കാൻ എൻഎസി സഹായിച്ചേക്കാം

മഗ്നീഷ്യം: ന്യൂറോ ട്രാൻസ്മിറ്ററുകളെ നിയന്ത്രിക്കുന്നതിലും കേന്ദ്ര നാഡീവ്യവസ്ഥയുടെ പ്രവർത്തനത്തിലും മഗ്നീഷ്യം സ്വാധീനം ചെലുത്തുന്നു. ഇത് തലച്ചോറിലെ സിഗ്നലുകളെ സന്തുലിതമാക്കാൻ സഹായിക്കുന്നു, ഉത്കണ്ഠ ലക്ഷണങ്ങൾ കുറയ്ക്കാൻ ഇത് വഴി സാധ്യതയുണ്ട്.

തലച്ചോറിനെ ശാന്തമാക്കുന്ന ഒരു ന്യൂറോ ട്രാൻസ്മിറ്ററായ ഗാമാ-അമിനോബ്യൂട്ടിക് ആസിഡിന്റെ (GABA) ഉത്പാദനത്തെയും മഗ്നീഷ്യം ഉത്തേജിപ്പിച്ചേക്കാം.

പ്രോബയോട്ടിക്സ്: പ്രോബയോട്ടിക്സിന് സാധാരണ മൈക്രോബയൽ ബാലൻസ് പുനഃസ്ഥാപിക്കാനുള്ള കഴിവുണ്ട്. അതിനാൽ ഉത്കണ്ഠയുടെ ചികിത്സയിലും പ്രതിരോധത്തിലും ഇതിന് സാധ്യമായ പങ്കുണ്ട്

മൂഡ് സ്വിങ്സ് നിയന്ത്രിക്കുന്നതിൽ ഇതൊരു സുപ്രധാന പങ്ക് വഹിക്കുന്നു. നല്ല ന്യൂറോ ട്രാൻസ്മിറ്ററുകൾ ഉത്പാദിപ്പിക്കുകയും നിങ്ങളുടെ സമ്മർദ്ദ പ്രതികരണത്തെ മെച്ചപ്പെടുത്തുകയും ചെയ്യുന്നു

ഒമേഗ 3: ഒമേഗ-3 ഫാറ്റി ആസിഡുകൾ ന്യൂറോജെനിസിസ്, ന്യൂറോ ട്രാൻസ്മിഷൻ, ന്യൂറോ ഇൻഫ്ലമേഷൻ എന്നിവയുമായി ബന്ധപ്പെട്ട വിശാലമായ ശാരീരിക പ്രവർത്തനങ്ങളിൽ ഉൾപ്പെട്ടിരിക്കുന്നു