ആരോഗ്യകരമായി വിറ്റാമിൻ ബി 12 ലെവൽ നിലനിർത്താം; ഈ ഭക്ഷണങ്ങൾ കഴിക്കൂ

വെബ് ഡെസ്ക്

ശരീരത്തിലെ ഒരു മൾട്ടി ടാസ്കർ ന്യൂട്രിയന്റ് ആണ് വിറ്റാമിൻ ബി12.നാഡീസംബന്ധമായ പ്രവർത്തനത്തിനും ചുവന്ന രക്താണുക്കളുടെ ഉൽപ്പാദനത്തിനും ഡിഎൻഎ സമന്വയത്തിനും ഈ വിറ്റാമിൻ അത്യന്താപേക്ഷിതമാണ്.

ശരീരത്തിലെ ആരോഗ്യകരമായ വിറ്റാമിൻ ബി 12 ലെവൽ നിലനിർത്താൻ ആവശ്യമായ ചില ഭക്ഷണങ്ങൾ ഇതാ

പാൽ : പാലിൽ ധാരാളം വിറ്റാമിൻ ബി 12 അടങ്ങിയിരിക്കുന്നു. ദിവസവും പാൽ കഴിക്കുന്നതും ഖേർ പോലുള്ള വിഭവങ്ങൾ കഴിക്കുന്നതും വിറ്റാമിൻ ബി 12 അളവ് നിലനിർത്താൻ സഹായിക്കും.

മാംസാഹാരം : ചിക്കൻ പോലുള്ള വിവിധ തരം മാംസാഹാരങ്ങൾ വിറ്റാമിൻ ബി 12 ന്റെ മികച്ച ഉറവിടങ്ങളാണ്. മാംസം ധാരാളം കഴിക്കുന്നത് വിറ്റാമിൻ ബി 12 വർധിക്കുന്നതിന് കാരണമാകും.

മുട്ട : മുട്ടയുടെ മഞ്ഞ വിറ്റാമിൻ ബി 12 ന്റെ ഒരു സുപ്രധാന ഉറവിടമാണ്. ഇത് ശരീരത്തിന് ഗണ്യമായ അളവിൽ വിറ്റാമിൻ ബി 12 ഉം പ്രോട്ടീനും നൽകുന്നു. ഇതിനായി പ്രഭാത ഭക്ഷണത്തിലും മറ്റും മുട്ട കഴിക്കാം.

തൈര് : തൈരും യോഗർട്ടും മിക്ക ദിവസവും നമ്മുടെ ഭക്ഷണത്തിന്റെ ഭാഗമാവാറുണ്ട്. ശരീരത്തിന് വിറ്റാമിൻ ബി 12 ധാരാളം നൽകുന്നതിനൊപ്പം ദഹനസംബന്ധമായ ആരോഗ്യത്തിനും ഇത് ഗുണകരമാണ്.

പനീർ : പനീറിൽ വിറ്റാമിൻ ബി 12 ധാരാളമായി അടങ്ങിയിരിക്കുന്നു. സസ്യാഹാരികൾക്ക് പോഷകസമൃദ്ധമായ ഒരു ഭക്ഷണമാണ് പനീർ.

സോയ ഉൽപ്പന്നങ്ങൾ : ടോഫു, സോയ മിൽക്ക് തുടങ്ങിയ സോയ ഉൽപ്പന്നങ്ങളിൽ ധാരാളമായി വിറ്റാമിൻ ബി 12 അടങ്ങിയിരിക്കുന്നു. സസ്യാഹാരികൾക്ക് വിറ്റാമിൻ ബി 12 ലഭ്യമാക്കാനുള്ള മികച്ച ഉറവിടമാണ് സോയ ഉൽപ്പന്നങ്ങൾ.

കൂൺ : വിറ്റാമിൻ ബി 12 ന്റെ പ്രകൃതിദത്തമായ ഉറവിടമാണ് കൂൺ. ഷിറ്റേക്ക്, മൈടേക്ക് തുടങ്ങിയ ഇനങ്ങളിൽ പ്രത്യേകിച്ചും. വേഗൻ ഡയറ്റിൽ ഉള്ളവർക്കും സസ്യാഹാരികൾക്കും വിറ്റാമിൻ ബി 12 ആരോഗ്യകരമായ അളവിൽ നിലനിർത്താൻ കൂൺ കഴിക്കാവുന്നതാണ്.

ഗ്രീക്ക് യോഗർട്ട്: ഇന്ത്യയിൽ വളരെ പ്രശസ്തമായി വരുന്ന ഭക്ഷ്യ ഉൽപ്പന്നമാണ് ഗ്രീക്ക് യോഗർട്ട്. സാധാരണ യോഗർട്ടിനേക്കാൾ കൂടുതൽ കട്ടിയുള്ളതും പ്രോട്ടീൻ അടങ്ങിയിട്ടുള്ളതുമാണ് ഗ്രീക്ക് യോഗർട്ട്. ഇതും വിറ്റാമിൻ ബി 12 ന്റെ ഒരു നല്ല ഉറവിടമാണ്.