വെബ് ഡെസ്ക്
സന്തോഷകരവും സംതൃപ്തവുമായ ജീവിതം നയിക്കാൻ നമ്മളെല്ലാവരും ആഗ്രഹിക്കുന്നുണ്ട്. എന്നാൽ പലപ്പോഴും നമുക്കതിന് സാധിക്കാറില്ല. അതിനാൽ എപ്പോഴും ഈ ഗോൾഡൻ റൂളുകൾ മനസ്സിൽ വെയ്ക്കൂ
നിങ്ങള്‍ക്കുവേണ്ടി സമയം ചിലവഴിക്കൂ. അവനവനുമായുള്ള നമ്മുടെ ബന്ധം ഏറെ പ്രധാനപ്പെട്ടതാണ്. സ്വയം സ്നേഹിക്കുക. പരിചരിക്കുക. നല്ല സമ്മാനങ്ങൾ നമുക്ക് തന്നെ സമ്മാനിക്കുക. നമ്മുടെ ഏറ്റവും നല്ല സുഹൃത്ത് നമ്മൾ തന്നെയായിരിക്കുക.
കൃതജ്ഞത ഉണ്ടായിരിക്കുക. ഇല്ലാത്തതിനെ ചൊല്ലി പരാതിപ്പെടുന്നതിന് പകരം, നിങ്ങളുടെ കൈവശമുള്ള കാര്യങ്ങളെ വിലമതിക്കാൻ ശ്രമിക്കുക. കൃതജ്ഞതാമനോഭാവം ജീവിതത്തിൽ പോസിറ്റിവിറ്റി ഉണ്ടാക്കും.
സമയം നന്നായി ചിലവഴിക്കുക. അപ്രധാനമായ കാര്യങ്ങൾക്ക് സമയം പാഴാക്കുന്നതിന് പകരം, നിങ്ങൾക്ക് ചെയ്യാൻ കൂടുതൽ ഇഷ്ടമുള്ള കാര്യങ്ങൾക്കോ ഹോബികൾക്കോ ആയി സമയം ചിലവഴിക്കുക.
പോസിറ്റീവ് ആയിരിക്കുക. ജീവിതത്തിലെ വിവിധ പ്രശ്ങ്ങൾക്കിടയിലും പോസറ്റീവ് ആയി, ശാന്തമായിരിക്കാൻ ശ്രമിക്കുക. പോസിറ്റീവ് മാനസികാവസ്ഥ പല പ്രതിബന്ധങ്ങളെയും എളുപ്പത്തിൽ മറികടക്കാൻ നിങ്ങളെ സഹായിക്കും.
നിങ്ങളുടെ സാമൂഹികബന്ധങ്ങളെ പരിപോഷിപ്പിക്കുക. അർഥവത്തായതും ശക്തമായതുമായ ബന്ധങ്ങൾ വളർത്തിയെടുക്കുക. നല്ല സുഹൃത്തുക്കളോടൊപ്പം സമയം ചിലവഴിക്കുക.
വിമർശനങ്ങളിൽ നിന്നും തെറ്റുകളിൽ നിന്നും പഠിക്കുക. മനുഷ്യർ തെറ്റ് വരുത്തും. അത് സ്വാഭാവികമാണ്. അതിൽ വേദനിക്കുന്നതിന് പകരം പാഠം ഉൾക്കൊണ്ട് നിങ്ങളുടെ തന്നെ കൂടുതൽ മികച്ച പതിപ്പാകാൻ ശ്രമിക്കുക.
വിട്ടുകൊടുക്കാനും മുന്നോട്ട് പോകാനും പഠിക്കുക. നിങ്ങൾക്ക് നിയന്ത്രിക്കാൻ കഴിയാത്ത കാര്യങ്ങളെയും ആളുകളെയും അതിന്റെ വഴിക്ക് വിടാൻ പഠിക്കുക. ആളുകളെയും സാഹചര്യങ്ങളെയും അതുപോലെ സ്വീകരിക്കാം. ഈ ചിന്താഗതി നിങ്ങളുടെ ജീവിതത്തിൽ വലിയ മാറ്റങ്ങൾ കൊണ്ടുവരും.
മനസ്സാന്നിധ്യം നഷ്ടപ്പെടുത്താതിരിക്കാൻ ശ്രദ്ധിക്കുക. തൊഴിലിടത്തിലായാലും സുഹൃത്തുക്കൾക്കും കുടുംബത്തിനും ഇടയിൽ ആയാലും നന്നായി പെരുമാറുക. ദയ കാണിക്കുക. ഏത് സാഹചര്യത്തിലും അവരെ കേൾക്കാൻ തയ്യാറാവുക. ശാന്തമായി കാര്യങ്ങളെ കൈകാര്യം ചെയ്യാൻ ശ്രദ്ധിക്കുക.