Christmas
കളറാണ്, കടലോരത്തെ ക്രിസ്മസ്
ഓരോ ക്രിസ്മസ് കഴിയുമ്പോഴും പുതുവര്‍ഷം ആരംഭിക്കുമ്പോഴും ഡിസംബര്‍ എങ്ങനെ സ്‌പെഷ്യലാക്കുമെന്നാണ് തീരദേശത്തുള്ളവര്‍ ആലോചിക്കുന്നത്.
ഒരു വര്‍ഷമെടുത്താല്‍ കടലോരത്തെ ഏറ്റവും വലിയ ആഘോഷം ക്രിസ്മസാണ്. ആടിയും പാടിയും ആര്‍ത്തുല്ലസിച്ചും പ്രായഭേദമന്യേ എല്ലാവരും ഒരേ വൈബില്‍ നില്‍ക്കുന്ന സമയവും കൂടിയാണ് ഡിസംബര്‍. ഓരോ ക്രിസ്മസ് കഴിയുമ്പോഴും പുതുവര്‍ഷം ആരംഭിക്കുമ്പോഴും ഡിസംബര്‍ എങ്ങനെ സ്‌പെഷ്യലാക്കുമെന്നാണ് തീരദേശത്തുള്ളവര്‍ ആലോചിക്കുന്നത്.
വീടുകള്‍തോറും കയറിയിറങ്ങുന്ന കുട്ടി കരോള്‍ സംഘങ്ങളും വന്‍ ജനാവലി പങ്കെടുക്കുന്ന കരോള്‍ റാലിയും തീരത്തിന്റെ സ്വന്തമാണ്. ഇതുകൂടാതെ സാംസ്കാരിക പരിപാടികള്‍, പലനിറത്തിലുള്ള സ്റ്റാറുകള്‍, അലങ്കാര വിളക്കുകള്‍ തുടങ്ങി നാടെങ്ങും അലങ്കരിച്ചു കൊണ്ടുള്ള ആഘോഷങ്ങളുടെ രാവുകളാണ് ഡിസംബറിലേത്.
