ഞങ്ങളിങ്ങനെയെ സിനിമ എടുക്കൂ : ബാബുസേനൻ ബ്രദേഴ്സ്

മരണത്തിന് പുതിയ ആഖ്യാനവുമായി ബാബുസേനൻ ബ്രദേഴ്സ്. ഭർത്താവും ഭാര്യയും മരിച്ച രണ്ട് മക്കളും എന്ന സിനിമ മരണം പ്രമേയമാണ് ചിത്രീകരിച്ചിരിക്കുന്നത്. രാജ്യാന്തര ചലച്ചിത്രമേളയിൽ മലയാളം സിനിമ ഇന്ന് എന്ന വിഭാ​ഗത്തിലാണ് ചിത്രം പ്രദർശിപ്പിച്ചിരുന്നത്. മരണം യാഥാർത്ഥ്യമാണെന്നും എന്നാൽ നാമതിനെ അതേ കാഴ്ച്ചപ്പാടോടെ ഉൾക്കൊളളാൻ തയാറാകുന്നില്ലെന്നും സതീഷ് ബാബുസേനനും സന്തോഷ് ബാബുസേനനും പറയുന്നു.

സിനിമകൾ ഒരു കഥയെ പല രീതിയിൽ പറയാനാണ് ശ്രമിക്കുന്നതെന്നും ഓരോ സിനിമ ചെയ്ത് കഴിയുമ്പോഴും പുതിയ പല കാര്യങ്ങളും പഠിക്കാനായി കഴിയുന്നുണ്ടെന്നും അവ‍ർ വ്യക്തമാക്കി.