വർഷങ്ങൾക്ക് ശേഷം ഗായകനാകാൻ നടൻ വിശാൽ; 'മാർക്ക് ആന്റണി' ആദ്യ സിംഗിൾ നാളെ എത്തും

രവിചന്ദർ സംവിധാനം ചെയ്യുന്ന മാർക്ക് ആന്റണി എന്ന പുതിയ ചിത്രത്തിൽ നായകനായും ഗായകനായും നടൻ വിശാൽ. വർഷങ്ങൾക്ക് ശേഷമാണ് വിശാൽ ഒരു സിനിമയിൽ ഗായകനായെത്തുന്നത്. അധിരുദ്ധയുടെ തെലുങ്ക് പതിപ്പായ അധരാധ എന്ന ഗാനമാണ് വിശാൽ ആലപിക്കുന്നത്. തമിഴ് ഗാനം പാടിയിരിക്കുന്നത് ടി രാജേന്ദ്രനാണ്.

സുന്ദർ സി സംവിധാനം ചെയ്ത മധഗജരാജ എന്ന ചിത്രത്തിലാണ് ഇതിനു മുൻപ് വിശാൽ ഗായകനായെത്തിയത്. എന്നാൽ ചിത്രം ഇതുവരെയും റീലിസ് ചെയ്തിട്ടില്ല.

രണ്ട് ഭാഷകളിലെയും ആദ്യ സിംഗിൾ ജൂലൈ 15 ന് പുറത്തിറങ്ങും. നടൻ തെലുങ്കിൽ പാടുന്ന പ്രോമോ പുറത്തിറങ്ങിയിരുന്നു.

മെയ് മാസത്തിലാണ് മാർക്ക് ആന്റണിയുടെ ട്രെയ്‌ലർ പുറത്തിറങ്ങിയത്. ടൈം മെഷീനെ അടിസ്ഥാനമാക്കിയുള്ള സയൻസ് ഫിക്ഷൻ ചിത്രമാണ് മാർക്ക് ആന്റണി. സെപ്റ്റംബറിൽ റീലിസ് ചെയ്യുന്ന ചിത്രത്തിൽ റിതു വർമ്മ, സെൽവ രാഘവൻ, അഭിനയ സുനിൽ, റെഡിൻ കിംഗ്സ്ലി എന്നിവരും ചിത്രത്തിലുണ്ട്. വിശാലിനൊപ്പം എസ് ജെ സൂര്യയും ചിത്രത്തിൽ പ്രധാന വേഷത്തിലെത്തുന്നു. ജി വി പ്രകാശാണ് ചിത്രത്തിന്റെ സംഗീത സംവിധാനം നിർവഹിച്ചിരിക്കുന്നത്.