വിഎഫ്എക്സ് മികവിൽ രാമ-രാവണയുദ്ധം തുടങ്ങുന്നു; ആദിപുരുഷിന്റെ അവസാന ട്രെയിലർ

പ്രഭാസ് നായകനാകുന്ന ആദിപുരുഷിന്റെ അവസാന ട്രെയിലറും എത്തി. രാമായണത്തെ അടിസ്ഥാനമാക്കിയൊരുങ്ങുന്ന ചിത്രത്തിലെ രാമ -രാവണ യുദ്ധം പശ്ചാത്തലമാകുന്ന ട്രെയിലറാണ് പുറത്തുവന്നിരിക്കുന്നത്. തിന്മയ്ക്ക് മുകളിൽ നന്മയുടെ വിജയം എന്ന ടാഗ്‌ലൈനിൽ ഓം റൗട്ടാണ് ചിത്രം സംവിധാനം ചെയ്യുന്നത് .

പ്രേക്ഷകർ ഏറെ ആകാംഷയോടെ കാത്തിരുന്ന ചിത്രത്തിന്റെ ആദ്യ ടീസർ വലിയ വിമർശനങ്ങളാണ് നേരിട്ടതിനാൽ പിന്നീട് വന്ന ട്രെയിലർ പോലെ തന്നെ ദൃശ്യമികവോടെയും സാങ്കേതിക തികവോടെയുമാണ് അവസാന ട്രെയിലറും ഒരുക്കിയിരിക്കുന്നത്. ത്രീഡിയിലൊരുക്കുന്ന ചിത്രം തെലുങ്ക്, ഹിന്ദി, മലയാളം, കന്നഡ, തമിഴ് ഭാഷകളിലും പുറത്തിറക്കും

താനാജിക്കു ശേഷം ഓം റൗട്ട് സംവിധാനം ചെയ്യുന്ന ആദിപുരുഷിൽ രാഘവ എന്ന കഥാപാത്രമായാണ് പ്രഭാസ് എത്തുന്നത്. ലങ്കേഷ് എന്ന വില്ലനായി സെയ്ഫ് അലിഖാനും ജാനകിയായി കൃതി സനോണും, ലക്ഷ്മണനായി സണ്ണി സിങ്ങും ഹനുമാന്റെ വേഷത്തിൽ ദേവദത്ത നാഗേയും വേഷമിടും

ടി സീരിസ്, റെട്രോഫൈല്‍ എന്നിവയുടെ ബാനറില്‍ ഭൂഷണ്‍ കുമാറും കൃഷ്ണകുമാറും ഓം റൗട്ടും ചേര്‍ന്നാണ് ചിത്രം നിര്‍മിക്കുന്നത്. അഞ്ഞൂറ് കോടിയിലേറെ രൂപയാണ് ബജറ്റ് . ചിത്രം ജൂൺ 16ന് തിയറ്ററുകളിലെത്തും.