ENTERTAINMENT
കരിയറിനായി ഉപേക്ഷിക്കണ്ടതല്ല പാഷന്‍; ഭദ്ര സിന്‍ഹയും ഗായത്രി ശര്‍മയും പറയുന്നു
വ്യക്തി ജീവിതത്തിൽ കരിയറും പാഷനും ഒരുപോലെ മുന്‍പോട്ട് കൊണ്ടുപോവാന്‍ ആര്‍ക്കും സാധിക്കുമെന്ന് കാണിച്ചുതരുകയാണ് ഭദ്ര സിന്‍ഹയും ഗായത്രി ശര്‍മയും
ജീവിതത്തില്‍ പാഷനും കരിയറും ഒരുപോലെ മുന്‍പോട്ട് കൊണ്ടുപോകാന്‍ സാധിക്കുക എന്നത് ഏതൊരു വ്യക്തിയുടെയും സ്വപ്‌നമാണ്. അവര്‍ക്കൊരു മാതൃകയാണ് ഭദ്ര സിന്‍ഹയും ഗായത്രി ശര്‍മയും. കരിയറിലും പാഷനിലും ഉയരങ്ങള്‍ കീഴടക്കുകയാണ് ഇരുവരും. 'ദ പ്രിന്റിലെ' മാധ്യമപ്രവര്‍ത്തകയായ ഭദ്ര സിന്‍ഹയും കോര്‍പ്പറേറ്റ് മേധാവിയായ ഗായത്രി ശര്‍മയും കരിയറില്‍ ഉന്നത പദവികളിലിരിക്കുമ്പോഴും നൃത്തമെന്ന കലയെ കൈവിടാതെ ഒപ്പം കൂട്ടിയിരിക്കുകയാണ്. കലയെന്നതിനപ്പുറം നൃത്തം ലിംഗസമത്വം, സ്ത്രീകള്‍ നേരിടുന്ന പ്രശ്‌നങ്ങള്‍, പ്രകൃതി മലിനീകരണം എന്നിങ്ങനെ സാമൂഹിക വിഷയങ്ങള്‍ പങ്കുവെക്കാനുള്ള ഒരു മാധ്യമം കൂടിയാണെന്ന് ഇവര്‍ കാണിച്ചു തരുന്നു.
