ധ്യാൻ ശ്രീനിവാസന്റെ ജയിലറും തീയേറ്ററുകളിലേക്ക്; പുതിയ തീയതി പ്രഖ്യാപിച്ചു

ധ്യാൻ ശ്രീനിവാസൻ ചിത്രം ജയിലറിന്റെ പുതിയ റിലീസ് തീയതി പ്രഖ്യാപിച്ചു. ചിത്രം ഓഗസ്റ്റ് 18 ന് തീയേറ്ററുകളിലെത്തും. രജനീകാന്തിന്റെ ജയിലർ മാസ് റിലീസായതിനാൽ തന്നെ കേരളത്തിൽ വേണ്ടത്ര സ്ക്രീനുകൾ ലഭിക്കാതെ വന്ന സാഹചര്യത്തിലായിരുന്നു ധ്യാൻ ചിത്രത്തിന്റെ റിലീസ് മാറ്റി വച്ചത്

ആദ്യഘട്ടത്തിൽ നൂറിലേറെ തീയേറ്ററുകളുമായി ധാരണയിലെത്തിയെങ്കിലും അവസാന നിമിഷം പലരും കൈയൊഴിഞ്ഞു. കുറഞ്ഞത് 75 സ്ക്രീനുകളെങ്കിലും ലഭിക്കാതെ സാഹചര്യത്തിലായിരുന്നു മലയാള ചിത്രത്തിന്റെ റിലീസ് നീട്ടിവച്ചത്. എന്നാൽ റിലീസ് ചെയ്ത 300 ലേറെ തീയേറ്ററുകളിലും രജനീകാന്തിന്റെ ജയിലർ മികച്ച പ്രേക്ഷക പ്രതികരണത്തോടെ പ്രദർശനം തുടരുമ്പോൾ മലയാളം ജയിലർക്ക് അടുത്ത ആഴ്ചയും വേണ്ടത്ര സ്ക്രീൻ ലഭിക്കുമോ എന്ന കാര്യത്തിൽ വ്യക്തതയില്ല

സക്കീർ മഠത്തിലാണ് ജയിലറിന്റെ സംവിധാനം. മനോജ്‌ കെ ജയൻ, ഉണ്ണിരാജ, ബിനു അടിമാലി തുടങ്ങിയവരാണ് മറ്റ് പ്രധാന താരങ്ങൾ .