മാന്ത്രികമായ കഥ പറച്ചിലും ഹൃദയ സ്പർശിയായ പ്രകടനവും ; നൻപകലിനെ പ്രകീർത്തിച്ച് ദുൽഖർ
ലിജോ ജോസ് പെല്ലിശേരി - മമ്മൂട്ടി കൂട്ടുക്കെട്ടിന്റെ നൻപകൽ നേരത്ത് മയക്കം ഇന്നലെയാണ് തീയേറ്ററുകളിലെത്തിയത്. പ്രേക്ഷകരും നിരൂപകരും ഇതിനോടകം ഏറ്റെടുത്ത ചിത്രത്തെ കുറിച്ചുള്ള ദുൽഖർ സൽമാന്റെ പോസ്റ്റാണ് ഇപ്പോൾ ശ്രദ്ധനേടുന്നത് . മാന്ത്രികമായ കഥ പറച്ചിലും ഹൃദയ സ്പർശിയായ പ്രകടനവുമെന്നാണ് ദുൽഖർ നൻപകലിനെ വിശേഷിപ്പിച്ചിരിക്കുന്നത് . ചിത്രത്തിന് ലഭിക്കുന്ന നല്ല പ്രതികരണങ്ങളിൽ സന്തോഷമുണ്ട്. എല്ലാവരും കുടുംബസമേതം തീയേറ്ററിൽ തന്നെ സിനിമ കാണണമെന്നും ദുൽഖർ അഭ്യർത്ഥിക്കുന്നു
മമ്മൂട്ടിയും ലിജോയും സഹതാരങ്ങളും വിസ്മയിപ്പിച്ചെന്ന പ്രതികരണമാണ് പ്രേക്ഷകരിൽ നിന്നും ലഭിക്കുന്നത്. മമ്മൂട്ടിയുടെ ക്ലാസിക് ചിത്രമായി വിലയിരുത്തുന്നവരുമുണ്ട്. ചിത്രത്തിനായി ക്യാമറ ചലിപ്പിച്ച തേനി ഈശ്വറും കൈയടി നേടുന്നുണ്ട്
മമ്മൂട്ടി കമ്പനിയാണ് ചിത്രത്തിന്റെ നിർമ്മാണം. ലിജോ ജോസ് പെല്ലിശേരിയുടെ തന്നെ കഥയ്ക്ക് എസ് ഹരീഷിന്റേതാണ് തിരക്കഥ.
