നിശബ്ദ ചിത്രങ്ങള്ക്ക് സംഗീതത്തിന്റെ കൂട്ട് ; പിയാനോയില് വിസ്മയം തീര്ത്ത് ജോണി ബെസ്റ്റ്
നിശബ്ദ ചിത്രങ്ങള്ക്ക് തത്സമയ സംഗീതം നല്‍കുന്ന മാന്ത്രികനാണ് ജോണി ബെസ്റ്റ്. സിനിമകളെ പ്രേക്ഷകനിലേക്ക് എത്തിക്കുന്ന തരത്തില്‍ സംഗീതം നല്‍കുകയാണ് ലൈവ് മ്യൂസികിന്‌റെ ഏറ്റവും വലിയ വെല്ലുവിളി എന്ന് ജോണി ബെസ്റ്റ് പറയുന്നു. ഏറെ കാലമായി പിയാനോ വായിക്കാറുണ്ടായിരുന്നെങ്കിലും വ്യത്യസ്തമായി എന്തെങ്കിലും ചെയ്യണമെന്ന ആഗ്രഹമാണ് ഇവിടെയെത്തിച്ചത്. നിശബ്ദ ചിത്രങ്ങള്ക്ക് സംഗീതം നല്‍കി പരീക്ഷിച്ചു നോക്കി. അതിന് ലഭിച്ച പ്രതികരണം കൂടുതല്‍ പരീക്ഷണം നടത്താന്‍ പ്രചോദനം നല്‍കുന്നതായിരുന്നു . ആ വഴിയെ തന്നെ മുന്നോട്ടുപോകാന്‍ തീരുമാനിച്ചു. പഴയ കുറേ നല്ല ചിത്രങ്ങള്‍ വീണ്ടും പ്രേക്ഷകനിലേക്ക് എത്തിക്കാനായി എന്നതാണ് വലിയ സന്തോഷം.
ജോണി ബെസ്റ്റ് ഇന്ത്യയിൽ ആദ്യമായി 2019 IFFI ലാണ് നിശബ്ദ ചിത്രങ്ങൾക്ക് സംഗീതം നൽകിയത് . IFFI യിലും IFFK യിലും ലഭിച്ച മികച്ച പ്രേക്ഷക പ്രതികരണം സന്തോഷം നൽകുന്നുണ്ട്. ഇംഗ്ലണ്ടിലെ നിശബ്ദ ചിത്രങ്ങളുടെ ഫെസ്റ്റിവൽ ഡയറക്ടർ കൂടിയാണ് ജോണി ബെസ്റ്റ്.
