കാന്താര 2ല്‍ രജനീകാന്ത് ? പ്രതികരിച്ച് ഋഷഭ് ഷെട്ടി
കാന്തരയുടെ വന്‍ വിജയത്തിന് ശേഷം രണ്ടാംഭാഗത്തിനായി കാത്തിരിക്കുന്ന പ്രക്ഷേര്‍ക്ക് വലിയ പ്രതീക്ഷ നല്‍കുന്ന വാര്‍ത്തകളാണ് വരുന്നത്. കാന്താര 2 വില്‍ സ്റ്റൈൽ മന്നൻ രജനീകാന്തും ഭാഗമാകുന്നു എന്നതാണ് പുതിയ വിവരം. കാന്താര കണ്ട രജീന്കാന്ത് ഋഷഭ് ഷെട്ടിയെ അഭിനന്ദിച്ചിരുന്നു . തുടർന്ന് ഋഷഭ് ചെന്നൈയിലെ വസതിയില്‍ എത്തി രജനീകാന്തിനെ നേരിട്ട് കണ്ടു. തുടർന്നാണ് രജനീകാന്ത് കാന്താര 2 വിന്റെ ഭാഗമായേക്കുമെന്ന വിവരങ്ങള്‍ പുറത്തുവരുന്നത്. എന്നാൽ ഇതുമായി ബന്ധപ്പെട്ട ചോദ്യത്തിന് പുഞ്ചിരി മാത്രമായിരുന്നു ഋഷഭിന്റെ പ്രതികരണം . ദാദാസാഹിബ് ഫാൽക്കെ ചലച്ചിത്രമേളയിൽ പുരസ്കാരം വാങ്ങാനെത്തിയപ്പോഴാണ് ഇതുമായി ബന്ധപ്പെട്ട് ഋഷഭ് പ്രതികരിച്ചത്
കൂടുതലൊന്നും പ്രതികരിച്ചില്ലെങ്കിലും ചോദ്യം ഋഷഭ് നിഷേധിക്കാത്തതിനാൽ തന്നെ കാന്താര 2 വിൽ രജനീകാന്ത് ഉണ്ടാകുമെന്ന് തന്നെയാണ് വിലയിരുത്തൽ.
ചിത്രത്തിന്റെ ഒന്നാം ഭാഗം 100 ദിവസം വിജയകരമായി പൂര്‍ത്തിയാക്കിയതിന്റെ ആഘോഷ വേളയിലായിരുന്നു ചിത്രത്തിന്റെ രണ്ടാം ഭാഗമായ കാന്താര 2 ഋഷഭ് ഷെട്ടി ഔദ്യോഗികമായി പ്രഖ്യാപിച്ചത്. കാന്താരയുടെ പ്രീക്വല്‍ അടുത്ത വര്‍ഷമുണ്ടാകുമെന്ന അന്ന് ഋഷഭ് പറഞ്ഞിരുന്നു.
രണ്ടാം ഭാഗത്തിന് കൂടുതൽ ശ്രദ്ധ ആവശ്യമായതിനാൽ കാന്താര 2ല്‍ അഭിനയിക്കില്ലെന്ന് ഋഷഭ് വ്യക്തമാക്കിയിരുന്നു. എന്നാല്‍ ചിത്രത്തില്‍ നിരവധി സര്‍പ്രൈസുകള്‍ ഉണ്ടാകുമെന്നാണ് ഋഷഭ് പറഞ്ഞത് . വിവിധ ഭാഷകളിലായി 400 കോടി ബോക്സ് ഓഫീസ് വിജയമാണ് കാന്താര നേടിയത്.
