കമലിന് ശേഷം രജനിക്കൊപ്പം; ബോളിവുഡ് ചിത്രത്തിൽ നിന്ന് പിൻമാറി ജാഫർ സാദിഖ്

കമൽഹാസനും ചിമ്പുവിനും പിന്നാലെ രജനികാന്തിനൊപ്പം സ്ക്രീൻ സ്പേസ് പങ്കിടാനൊരുങ്ങി ജാഫർ സാദിഖ് . രജനീകാന്തിനൊപ്പം മോഹൻലാൽ, ജാക്കി ഷെറോഫ് അടക്കമുള്ള താരനിര അണിനിരക്കുന്ന ജയിലറാണ് ജാഫർ സാദിഖിന്റെ അടുത്ത ചിത്രം. ഇതിനായി കരാർ ഒപ്പിട്ട ബിജോയ് നമ്പ്യാരുടെ ബോളിവുഡ് ചിത്രത്തിൽ ജാഫർ സാദിഖ് പിൻമാറി

സമീപകാലത്ത് തമിഴ് സിനിമയിൽ നിന്ന് ഉയർന്ന് വരുന്ന മികച്ച നടൻമാരിലൊരാളാണ് ജാഫർ സാദിഖ്. ഡാൻസറും കൊറിയോഗ്രാഫറുമായ ജാഫർ സാദിഖ് പാവൈ കഥകൾ എന്ന ആന്തോളജി സിനിമയിലൂടെയാണ് അരങ്ങേറ്റം കുറിച്ചത്. പാവൈ കഥകളിൽ വിഘ്നേഷ് ശിവൻ സംവിധാനം ചെയ്ത ചിത്രത്തിലെ വില്ലൻ വേഷം ജാഫറിന് നിരൂപക പ്രശംസ പോലും നേടികൊടുക്കുന്നതായിരുന്നു

തുടർന്ന് വന്ന വിക്രത്തിലെ വില്ലൻ വേഷവും ജാഫർ മികച്ചതാക്കിയതിനാലാകാം ചിമ്പു ചിത്രം വെന്ത് തണിന്തത് കാടിലും നെഗറ്റീവ് റോളാണ് തേടിയെത്തിയത്. ജയിലറിലെ കഥാപാത്രത്തെ സംബന്ധിച്ച സൂചനകളൊന്നുമില്ലെങ്കിലും നെഗറ്റീവ് ടച്ചുള്ള നിർണായക വേഷമായിരിക്കുമെന്നാണ് സിനിമാ നിരൂപകരുടെ വിലയിരുത്തൽ