ജോൺ എബ്രഹാം ഓർമദിനത്തിൽ ജോൺ തീയേറ്ററിലേക്ക്; പ്രദർശനം കോഴിക്കോട് ശ്രീയിൽ

സംവിധായകൻ ജോൺ എബ്രഹാമിനെ കുറിച്ച് പ്രേംചന്ദ് സംവിധാനം ചെയ്ത ജോൺ എന്ന സിനിമ പ്രദർശനത്തിനെത്തുന്നു. ജോൺ എബ്രഹാമിന്റെ ഓർമ്മദിനമായ നാളെ കോഴിക്കോട് ശ്രീ തീയേറ്ററിൽ രാവിലെ ഒമ്പത് മണിക്കും വൈകിട്ട് ആറു മണിക്കുമാണ് പ്രദർശനം.

മധു മാസ്റ്റർ, രാമചന്ദ്രൻ മൊകേരി , എ. നന്ദകുമാർ ഹരിനാരായണൻ എന്നിവരാണ് പ്രധാന വേഷത്തിലെത്തുന്നത്. ഓരോ ഷെഡ്യൂൾ വീതം ഛായാഗ്രഹണം നിർവ്വഹിച്ച കെ രാമചന്ദ്രബാബു, എം ജെ രാധാകൃഷ്ണൻ എന്നിവരുടെ ഓർമ്മച്ചിത്രം കൂടിയാണ് സിനിമ. ഫൗസിയ ഫാത്തിമ , പ്രതാപ് ജോസഫ് , രാഹുൽ ആകോട്ട് എന്നിവരും ഛായാഗ്രഹണ സഹായികളായി

കെഎസ്എഫ്ഡിസിയുടെ പങ്കാളിത്തത്തിൽ പാപ്പാത്തി മൂവ്മെന്റ്സിന്റെ ബാനറിലാണ് നിർമാണം. ദീദിയാണ് തിരക്കഥ രചിച്ചിരിക്കുന്നത്. അപ്പു ഭട്ടതിരിയാണ് എഡിറ്റിങ്ങ്