കനി കുസൃതി ബോളിവുഡിലേക്ക് ; അരങ്ങേറ്റം ഗേൾസ് വിൽ ബി ഗേൾസിലൂടെ
നവാഗതയായ സുചി തലാഠി സംവിധാനം ചെയ്യുന്ന ഗേള്‍സ് വില്‍ ബി ഗേള്‍സ് എന്ന ചിത്രത്തിലൂടെയാണ് കനി കുസൃതിയുടെ ബോളിവുഡ് അരങ്ങേറ്റം. ഹിമാലയന്‍ താഴ്വരയില്‍ സ്ഥിതിചെയ്യുന്ന ബോര്‍ഡിങ് സ്‌കൂളും കൗമാരപ്രായകാരിയായ മിറയ്ക്ക് നേരിടേണ്ടി വരുന്ന ബുദ്ധിമുട്ടുകളുമാണ് കഥാപശ്ചാത്തലം.
2003 ല്‍ പുറത്തിറങ്ങിയ ഇംഗ്ലീഷ് ചിത്രത്തിന്‌റെ ഹിന്ദി റീമേക്കാണ് ഗേള്‍സ് വില്‍ ബി ഗേള്‍സ് .നവദമ്പതിമാരായ റിച്ച ഛദ്ദ, അലി ഫസല്‍ എന്നിവര്‍ ആദ്യമായി നിര്‍മിക്കുന്ന ചിത്രമാണ് ഗേള്‍സ് വില്‍ ബി ഗേള്‍സ്.
2003 ല്‍ സിനിമയിലെത്തിയ കനി കുസൃതി, സജിന്‍ ബാബു സംവിധാനം ചെയ്ത ബിരിയാണിയിലൂടെയാണ് രാജ്യാന്തര ശ്രദ്ധ നേടിയത്. ബിരിയാണിയിലെ പ്രകടനം സംസ്ഥാന ചലച്ചിത്ര പുരസ്‌കാരവും ഫിലിം ഫെയര്‍ അവാര്‍ഡും വരെ നേടി കൊടുക്കുന്നതായിരുന്നു. മാത്രമല്ല നിരവധി അന്തരാഷ്ട്ര ചലച്ചിത്രമേളാ പുരസ്‌കാരങ്ങളും ബിരിയാണിലെ പ്രകടനത്തിന് താരത്തിനെ അര്‍ഹയാക്കിയിരുന്നു . ഈ വർഷം പുറത്തിറങ്ങിയ പട എന്ന ചിത്രത്തിലും ശ്രദ്ധേയമായ വേഷമായിരുന്നു കനി കൈകാര്യം ചെയ്തിരുന്നത്.
