കീരവാണി വീണ്ടും മലയാളത്തിലേക്ക്; മടങ്ങി വരവ് 27 വർഷത്തിന് ശേഷം

നാട്ടു നാട്ടു എന്ന ഗാനത്തിന്റെ ഓസ്കർ നേട്ടത്തിന് പിന്നാലെ കീരവാണി വീണ്ടും മലയാള സിനിമയിലേക്ക്. ഗിന്നസ് പക്രു കേന്ദ്രകഥാപാത്രത്തെ അവതരിപ്പിക്കുന്ന മജീഷ്യൻ എന്ന ചിത്രത്തിലൂടെയാണ് കീരവാണി വീണ്ടും മലയാള സിനിമയിലെത്തുന്നത്. തിരുവനന്തപുരത്ത് നടന്ന ടൈറ്റിൽ ലോഞ്ചിലും പൂജയിലും കീരവാണിയും പങ്കെടുത്തു

ചിത്രത്തിലെ മൂന്ന് ഗാനങ്ങൾക്ക് സംഗീതമൊരുക്കുന്ന കീരവാണി സുറുമയെഴുതിയ മിഴികളെ പാട്ടും ആലപിച്ചു. വിജീഷ് സംവിധാനം ചെയ്യുന്ന മജീഷ്യൻ, വല്യത്ത് മുവീസിന്റെ ബാനറിൽ ബേബി ജോൺ വല്യത്ത് ആണ് നിർമ്മിക്കുന്നത്

ഐ വി ശശിയുടെ നീലഗിരിയിലൂടെയാണ് കീരവാണി മലയാളത്തിലേക്ക് എത്തിയത്. ശേഷം സൂര്യമാനസം ഭരതൻ സംവിധാനം ചെയ്ത ദേവരാഗം തുടങ്ങിയ ചിത്രങ്ങളിലൂടെ മലയാളികൾക്കും പ്രിയങ്കരനായി. പ്രശസ്തിയുടെ കൊടുമുടിയിൽ നിൽക്കെ 27 വർഷത്തിനു ശേഷം കീരവാണി വീണ്ടും മലയാളത്തിലേക്ക് വരുന്നതിന്റെ ആവേശത്തിലാണ് സംഗീത പ്രേമികൾ