90സ് കിഡ്‌സിന്റെ നൊസ്റ്റാൾജിയ; ലിജോ ജോസ് പെല്ലിശ്ശേരി അവതരിപ്പിക്കുന്ന 'പല്ലൊട്ടി' ഒക്ടോബർ 25ന് തിയേറ്ററുകളിൽ
ലിജോ ജോസ് പെല്ലിശ്ശേരി ആദ്യമായി അവതരിപ്പിക്കുന്ന മലയാള ചിത്രം 'പല്ലൊട്ടി 90സ് കിഡ്‌സ്' 25ന് തിയേറ്ററുകളിലെത്തും. സിനിമ പ്രാന്തൻ പ്രൊഡക്ഷൻസ് ബാനറിൽ നടനും സംവിധായകനുമായ സാജിദ് യഹിയ, നിതിൻ രാധാകൃഷ്ണൻ എന്നിവർ ചേർന്ന് നിർമിച്ച ചിത്രം സംവിധാനം ചെയ്തിരിക്കുന്നത് നവാഗതനായ ജിതിൻ രാജാണ്.
ഇതിനോടകം മൂന്ന് സംസ്ഥാന പുരസ്‌കാരങ്ങള്‍ പല്ലൊട്ടി നേടിക്കഴിഞ്ഞു. സൗഹൃദത്തിന്റെ കഥ പറയുന്ന ചിത്രത്തിൽ മാസ്റ്റർ ഡാവിഞ്ചി സന്തോഷ്, മാസ്റ്റർ നീരജ് കൃഷ്ണ എന്നിവരാണ് പ്രധാന കഥാപാത്രങ്ങളായി എത്തുന്നത്. അർജുൻ അശോകൻ, ബാലു വർഗീസ് സൈജു കുറുപ്പ്, നിരഞ്ജന അനൂപ് സുധി കോപ്പ, ദിനേഷ് പ്രഭാകർ, വിനീത് തട്ടിൽ, അബു വളയംകുളം എന്നിവരാണ് മറ്റ് ശ്രദ്ധേയ വേഷങ്ങളിൽ.
സംവിധായകന്റെ തന്നെ കഥയ്ക്ക് ദീപക് വാസൻ ആണ് തിരക്കഥ ഒരുക്കിയിരിക്കുന്നത്. കാമറ ഷാരോൺ ശ്രീനിവാസ്. എഡിറ്റിങ് രോഹിത് വാരിയത്, സംഗീതം മണികണ്ഠൻ അയ്യപ്പ എന്നിവരാണ്, സുഹൈൽ കോയയുടെതാണ് ചിത്രത്തിലെ വരികൾ.
പ്രൊജക്ട് ഡിസൈൻ ബാദുഷ. ആർട്ട് ഡയയറക്ടർ ബംഗ്ലാൻ, ചീഫ് അസ്സോസിയേറ്റ് ഡയറക്ടർ വിജിത്ത്. ശബ്ദ രൂപകൽപ്പന ശങ്കരൻ എ എസ്, കെ സി സിദ്ധാർത്ഥൻ. ശബ്ദ മിശ്രണം വിഷ്ണു സുജാതൻ. ചമയം നരസിംഹ സ്വാമി. വസ്ത്രാലങ്കാരം പ്രവീൺ വർമ്മ. നിശ്ചല ഛായാഗ്രഹണം നിദാദ് കെ എൻ. കാസ്റ്റിങ് ഡയറക്ടർ അബു വളയകുളം. ക്രിയേറ്റീവ് പരസ്യ കല കിഷോർ ബാബു.
