ജോ ആന്റ് ജോയ്ക്ക് ശേഷം മാത്യു- നസ്ലെന്‍ കൂട്ടുകെട്ടില്‍ ഒരുങ്ങുന്ന 'നെയ്മറിന്റെ' ഷൂട്ടിംഗ് പോണ്ടിച്ചേരിയില്‍ പുരോഗമിക്കുന്നു. വി സിനിമാസ് ഇന്റര്‍നാഷണലിന്റെ ബാനറിലാണ് ചിത്രം ഒരുങ്ങുന്നത്. ഓപ്പറേഷന്‍ ജാവയ്ക്ക് ശേഷം പത്മ ഉദയ് നിര്‍മ്മിക്കുന്ന ബിഗ് ബജറ്റ് ചിത്രം കൂടിയാണ് 'നെയ്മര്‍'.
ബ്രസീല്‍ ഫാന്‍സ് ക്ലബിന്റെ പശ്ചാത്തലത്തില്‍ ഒരുങ്ങുന്ന ചിത്രം മാത്യു - നസ്ലെന്‍ കൂട്ടുക്കെട്ട് ഒരുക്കുന്ന ചിരിക്കാഴ്ചകളാല്‍ സമ്പന്നമായിരിക്കുമെന്നാണ് സൂചന.
ഓപ്പറേഷന്‍ ജാവയില്‍ സഹസംവിധായകനായിരുന്ന സുധി മാഡിസണ്‍ ആദ്യമായി കഥയെഴുതി സംവിധാനം ചെയ്യുന്ന ചിത്രമാണ് നെയ്മര്‍. ആദര്‍ശ് സുകുമാരനും പോള്‍സണ്‍ സ്‌കറിയയും ചേര്‍ന്നാണ് തിരക്കഥയും സംഭാഷണവും ഒരുക്കുന്നത്. ഷാന്‍ റഹ്‌മാനാണ് നെയ്മറിനു വേണ്ടി സംഗീതമൊരുക്കുന്നത്.
ആല്‍ബി ക്യാമറ ചെയ്യുന്ന ചിത്രത്തില്‍ നൗഫല്‍ അബ്ദുള്ളയാണ് എഡിറ്റിങ് . ചിത്രം ക്രിസ്മസ് റിലീസായി തീയേറ്ററുകളിലെത്തിയേക്കും.
