9 വർഷത്തിന് ശേഷം മീര ജാസ്മിൻ കോളിവുഡിലേക്ക് ; പുതിയ ചിത്രം പ്രഖ്യാപിച്ചു
മലയാളത്തിന് പിന്നാലെ കോളിവുഡിലേക്കും തിരിച്ച് വരാനൊരുങ്ങി മീര ജാസ്മിൻ. വിമാനം എന്ന ചിത്രത്തിലൂടെയാണ് തമിഴിലേക്കുള്ള താരത്തിന്റെ തിരിച്ചുവരവ്. മീരയുടെ ജന്മദിനത്തിൽ പ്രൊഡക്ഷൻ കമ്പനി തന്നെയാണ് ഇക്കാര്യം പ്രഖ്യാപിച്ചത്
സീ സ്റ്റുഡിയോസും കെ കെ ക്രീയേറ്റിവ് വർക്ക്സും ചേർന്ന് നിർമ്മിക്കുന്ന ദ്വിഭാഷ ചിത്രമാണ് വിമാനം . തമിഴ് , തെലുഗു പതിപ്പുകളിലാണ് ചിത്രം ഒരുങ്ങുന്നത് . ചിത്രത്തിന്റെ കൂടുതൽ വിവരങ്ങൾ പുറത്തുവന്നിട്ടില്ല
വിവാഹത്തിന് ശേഷം സിനിമയിൽ നിന്ന് ഇടവേള എടുത്ത മീര ജാസ്മിൻ സത്യൻ അന്തിക്കാട് ചിത്രം മകളിലൂടെയാണ് മലയാളത്തിലേക്ക് തിരിച്ചെത്തിയത് . പത്ത് വർഷത്തിന് ശേഷമാണ് മീര ജാസ്മിൻ തമിഴ് സിനിമയിൽ അഭിനയിക്കുന്നത്.
2002 ൽ മാധവൻ നായകനായ റൺ എന്ന ചിത്രത്തിലൂടെയാണ് മീര ജാസ്മിൻ തമിഴിൽ അരങ്ങേറ്റം കുറിച്ചത്. തുടർന്ന് ആയുധ എഴുത്ത് , സണ്ട കോഴി തുടങ്ങി നിരവധി സിനിമകളുടെ ഭാഗമായി . 2014 ൽ പുറത്തിറങ്ങിയ വിൻഗ്യാണിയാണ് തമിഴിൽ റിലീസ് ചെയ്ത അവസാന ചിത്രം . 2013 ൽ പുറത്തിറങ്ങിയ മോക്ഷയാണ് അവസാന തെലുഗു ചിത്രം
