വിജയ്ക്ക് വില്ലനാകാൻ ചിമ്പു? ലോകേഷ് സർപ്രൈസ് വെള്ളിയാഴ്ച

ലോകേഷ് സിനിമാറ്റിക് യൂണിവേഴ്സിൽ നിന്നുള്ള അടുത്ത ചിത്രം ദളപതി67 നെ കുറിച്ച് നിരവധി അഭ്യൂഹങ്ങൾ നേരത്തെ മുതൽ തന്നെ സോഷ്യൽ മീഡിയയിൽ സജീവമാണ് . എന്നാൽ ഇപ്പോൾ വരുന്ന സൂചനകൾ ശരിയാണെങ്കിൽ ദളപതി 67 ൽ വിജയ് യുടെ വില്ലനായെത്തുക ചിമ്പുവായിരിക്കും. ചിത്രത്തിന്റെ ഔദ്യോഗിക പ്രഖ്യാപനത്തോടെയെത്തുന്ന പ്രൊമോ റിലീസ് ഫെബ്രുവരി മൂന്നിനാണ്. ചിമ്പുവിന്റെ ജന്മദിനം കൂടിയാണ് ഫെബ്രുവരി മൂന്ന്. അതുകൊണ്ട് തന്നെ ലോകേഷ് ആരാധകർക്കായി കാത്തുവച്ചിരിക്കുന്ന സർപ്രൈസും ഇതുതന്നെയാണെന്നാണ് തമിഴകത്ത് നിന്നുള്ള റിപ്പോർട്ടുകൾ

മാത്രമല്ല ലുക്ക് മാറ്റുന്നതിനും ബോഡി ബിൽഡിങിനുമായി ചിമ്പു  തായ്‌ലന്‍ഡിലാണെന്ന വാർത്തകളും സംശയങ്ങൾക്ക് ചൂട് പകരുന്നു. വിക്രത്തിൽ റോളക്സിന്റെ വേഷം ചെയ്യാൻ ആഗ്രഹിച്ച വിക്രത്തെ ഈ ചിത്രത്തിൽ വില്ലനാക്കുമോയെന്ന സംശയം നേരത്തെ തന്നെയുണ്ടായിരുന്നു. എന്നാൽ ഇതിനോട് കാത്തിരുന്ന് കാണാമെന്നായിരുന്നു കഴിഞ്ഞ ദിവസം ലോകേഷ് നൽകിയ മറുപടി.

പത്തു തലയാണ് ചിമ്പുവിന്റെ പുറത്തിറങ്ങാനിരിക്കുന്ന സിനിമ. ഗൗതം മേനോന്‌റെ വെന്ത് തണിന്തത് കാട് ആണ് ഒടുവിൽ പുറത്തിറങ്ങിയ ചിത്രം. ഇതിന്റെ രണ്ടാം ഭാഗവും അനൗൺസ് ചെയ്തിട്ടുണ്ട്