ദളപതി67 പ്രൊമോ കണ്ട് കമൽഹാസൻ ; അണിയറ പ്രവർത്തകരെ അഭിനന്ദിച്ച് താരം
ആരാധകർ ഒന്നടങ്കം കാത്തിരിക്കുന്ന ദളപതി67 ന്റെ പ്രൊമോ വീഡിയോ നാളെ എത്തും. ഏറ്റവും പുതിയ വിവരങ്ങൾ അനുസരിച്ച് 3മിനിറ്റിൽ താഴെയുള്ള വീഡിയോയാണ് നാളെ റിലീസ് ചെയ്യുക. വീഡിയോ കണ്ട കമൽഹാസൻ അണിയറ പ്രവർത്തകരെ അഭിനന്ദിച്ചതായാണ് തമിഴകത്ത് നിന്നുള്ള വാർത്തകൾ.
ദളപതി 67 ലോകേഷ് സിനിമാറ്റിക് യൂണിവേഴ്സിൽ നിന്നുള്ള ചിത്രമാണോ ? വില്ലനായി ചിമ്പുവെത്തുമോ ? എൽസിയു ചിത്രമാണെങ്കിൽ ഫഹദ് ഉണ്ടാകുമോ ? എന്നീ ചോദ്യങ്ങൾക്കുള്ള ഉത്തരം പ്രൊമോ വീഡിയോയിൽ ഉണ്ടാകുമെന്ന പ്രതീക്ഷയിലാണ് ആരാധകർ . എൽസിയു ചിത്രമാണെങ്കിൽ ചിലപ്പോൾ ഒരു വേഷം ചെയ്യാൻ സാധ്യതയുണ്ടെന്ന് ഫഹദ് ഫാസിൽ നേരത്തെ പറഞ്ഞിരുന്നു
അതേസമയം ഇന്ന് രണ്ട് വിവരങ്ങളാണ് ചിത്രവുമായി ബന്ധപ്പെട്ട് സെവൻ സ്ക്രീൻ സ്റ്റുഡിയോ പുറത്തുവിട്ടത്
ചിത്രത്തിന്റെ ഒടിടി അവകാശം നെറ്റ്ഫ്ലിക്സാണ് സ്വന്തമാക്കിയിരിക്കുന്നത്. സൺ ടിവിയാണ് സാറ്റലൈറ്റ് പാട്നർ. ചിത്രത്തിന്റെ മ്യൂസികിന്റെ അവകാശം ഇന്ത്യൻ മ്യൂസിക് സ്വന്തമാക്കിയത് 16 കോടി രൂപയ്ക്കാണ്
