ENTERTAINMENT
മോഹന്‍ലാല്‍ ചിത്രം മോണ്‍സ്റ്ററിലെ ആദ്യ വീഡിയോ ഗാനം പുറത്ത്
'ഘൂം ഘൂം' എന്ന് തുടങ്ങുന്ന ഗാനമാണ് അണിയറ പ്രവര്‍ത്തകര്‍ പുറത്തുവിട്ടിരിക്കുന്നത്
ആരാധകര്‍ ഏറെ ആകാംക്ഷയോടെ കാത്തിരിക്കുന്ന മോഹലാല്‍ ചിത്രമായ 'മോണ്‍സ്റ്ററി'ലെ ആദ്യ വീഡിയോ ഗാനം പുറത്ത്. 'ഘൂം ഘൂം' എന്നു തുടങ്ങുന്ന ഗാനമാണ് അണിയറ പ്രവര്‍ത്തകര്‍ പുറത്തുവിട്ടിരിക്കുന്നത്. കുട്ടിക്കൊപ്പം പാട്ടുപാടി നൃത്തം ചെയ്യുന്ന മോഹന്‍ലാലാണ് ഗാനത്തിലുള്ളത്. ഗാനം ഇതിനോടകം തന്നെ വൈറലായി കഴിഞ്ഞു.
പുലിമുരുകനു ശേഷം മോഹന്‍ലാലിനെ നായകനായി വൈശാഖ് സംവിധാനം ചെയ്യുന്ന ചിത്രം കൂടിയാണ് മോണ്‍സ്റ്റര്‍. മധു വാസുദേവനാണ് ഗാനങ്ങള്‍ രചിച്ചിരിക്കുന്നത്. ദീപക് ദേവാണ് സംഗീത സംവിധാനം. പുലിമുരുകനുവേണ്ടി തിരക്കഥയെഴുതിയ ഉദയ്കൃഷ്ണ തന്നെയാണ് മോണ്‍സ്റ്ററിന്റേയും തിരക്കഥാകൃത്ത്. ആശിര്‍വാദ് സിനിമാസിന്റെ ബാനറില്‍ ആന്റണി പെരുമ്പാവൂരാണ് ചിത്രം നിര്‍മ്മിക്കുന്നത്. പുലിമുരുകന്‍ ടീം വീണ്ടും ഒന്നിക്കുന്നു എന്നതാണ് ചിത്രത്തിന്റെ മറ്റൊരു പ്രത്യേകത.
