പ്രേക്ഷക പുരസ്‌കാരത്തിനുള്ള വോട്ടെടുപ്പ് ആരംഭിച്ചു ; നൻപകൽ നേരത്ത് മയക്കത്തിനും ഔർ ഹോമിനും മികച്ച പ്രതികരണം

രാജ്യാന്തര ചലച്ചിത്രമേളയിലെ പ്രേക്ഷകരുടെ ഇഷ്ടചിത്രം തിരഞ്ഞെടുക്കാനുള്ള വോട്ടെടുപ്പ് രാവിലെ 10 ന് ആരംഭിച്ചു. വെള്ളിയാഴ്ച ഉച്ചയ്ക്ക് 12 മണിവരെയാണ് വോട്ട് ചെയ്യാൻ അനുവദിച്ചിരിക്കുന്ന സമയം . മത്സര വിഭാഗത്തിലെ 14 ചിത്രങ്ങളിൽ നിന്നാണ് ജനപ്രിയ ചിത്രം തിരഞ്ഞെടുക്കുക. ചലച്ചിത്ര അക്കാദമിയുടെ ഔദ്യോഗിക വെബ്‌സൈറ്റ് വഴിയും എസ്എംഎസ് വഴിയും മൊബൈല്‍ ആപ്ലിക്കേഷന്‍ വഴിയും ഡെലിഗേറ്റുകള്‍ക്ക് വോട്ടുചെയ്യാം.

registration.iffk.in എന്നതാണ് വെബ്‌സൈറ്റ് വിലാസം. എസ്എംഎസിലൂടെ വോട്ട് ചെയ്യുന്നതിന് IFFK < Space > FILM CODE എന്ന ഫോര്‍മാറ്റില്‍ ടൈപ്പ് ചെയ്ത് 56070 എന്ന നമ്പറിലേക്ക് അയക്കുക.

മത്സരവിഭാഗ ചിത്രങ്ങളുടെ ഫിലിം കോഡുകൾ

1. എ പ്ലേയ്സ് ഓഫ് അവര്‍ ഓണ്‍ (കോഡ് : IC001)

2. ആലം (കോഡ് : IC002 )

3. കണ്‍സേണ്‍ഡ് സിറ്റിസണ്‍ (കോഡ് : IC003 )

4. കണ്‍വീനിയന്‍സ് സ്‌റ്റോര്‍ (കോഡ് : IC004 )

5. കോര്‍ഡിയലി യുവേഴ്‌സ് (കോഡ് : IC005 )

6. അറിയിപ്പ് ( ഡിക്ലറേഷന്‍ ) (കോഡ് : IC006 )

7. ഹൂപ്പോ (കോഡ് : IC007 )

8. കെര്‍ (കോഡ് : IC008 )

9. ക്ലൊണ്ടൈക്ക് (കോഡ് : IC009)

10. നന്‍ പകല്‍ നേരത്തു മയക്കം (ലൈക്ക് ആന്‍ ആഫ്റ്റര്‍നൂണ്‍ ഡ്രീം (കോഡ് : IC010 )

11. മെമ്മറി ലാന്‍ഡ് (കോഡ് : IC011 )

12. അവര്‍ ഹോം (കോഡ് : IC012)

13. ടഗ് ഓഫ് വാര്‍ (കോഡ് : IC013 )

14. ഉതമ (കോഡ് : IC014 )

മികച്ച ജനപ്രിയ ചിത്രത്തിന് രണ്ട് ലക്ഷം രൂപയും പ്രശസ്തിപത്രവും അടങ്ങുന്നതാണ് പുരസ്‌കാരം . പുരസ്കാരം മേളയുടെ സമാപന സമ്മേളനത്തില്‍ സമ്മാനിക്കും.