ഒന്നരലക്ഷത്തിന്റെ മഞ്ഞള്‍ മുതല്‍ മുല്ലപ്പൂ നെല്ല് വരെ

കണ്ണൂര്‍ തില്ലങ്കേരിയിലെ ജൈവകര്‍ഷകനായ ഷിംജിത്തിന്റെ ജൈവകം എന്ന ഫാം ജൈവ വൈവിധ്യങ്ങളുടെ കലവറ തന്നെയാണ്. കിലോയ്ക്ക് ഒന്നരലക്ഷം രൂപ വില വരുന്ന മഞ്ഞള്‍ മുതല്‍ മുല്ലപ്പൂ സുഗന്ധം പരത്തുന്ന നെല്ല് വരെ ജൈവകത്തില്‍ ഉണ്ട്.

ആയിരത്തിലധികം ഔഷധ സസ്യങ്ങളുണ്ടിവിടെ. ഇരുനൂറ്റി അറുപതോളം നെല്‍വിത്തുകളും ഷിംജിത്ത് സംരക്ഷിക്കുന്നുണ്ട്. സംസ്ഥാന സര്‍ക്കാരിന്റെ മികച്ച ജൈവ കര്‍ഷകനുള്ള അവാര്‍ഡും ഷിംജിത്തിന് ലഭിച്ചിട്ടുണ്ട്.