ഓര്‍മശക്തി വര്‍ധിപ്പിക്കും, സന്തോഷം നല്‍കും: നേന്ത്രപ്പഴം കഴിച്ചാല്‍ പലതുണ്ട് ഗുണം
രാവിലെ ഒരു ഏത്തപ്പഴം കഴിച്ചാല്‍ പലതുണ്ട് ഗുണം. പ്രകൃതിദത്ത പഞ്ചസാരകളായ സുക്രോസ്, ഫ്രക്ടോസ്, ഗ്ലൂക്കോസ് എന്നിവയുടെ ഉറവിടമാണിത്. അതിനാല്‍ ശരീരത്തിനും മനസിനും ഇത് ഉണര്‍വ് നല്‍കും. കുട്ടികളുടെ ശാരീരിക, മാനസിക വളര്‍ച്ചയിലും ഏത്തയ്ക്കയ്ക്ക് പ്രഥമസ്ഥാനമുണ്ട്.
വിളര്‍ച്ച മാറ്റും:- ഇരുമ്പിന്റെ കലവറയാണ് ഏത്തയ്ക്ക. അതിനാല്‍ വിളര്‍ച്ച മാറ്റാന്‍ പ്രത്യേക കഴിവുണ്ടിതിന്.
മലബന്ധം തടയും:- നാരുകളുടെ ഉറവിടമാണ് ഏത്തപ്പഴം. അതിനാല്‍ മലബന്ധം തടയും.
രക്തസമ്മര്‍ദം കുറയ്ക്കും:- ഏത്തയ്ക്കയില്‍ കുറഞ്ഞതോതിലുള്ള ഉപ്പും ധാരളമായുള്ള പൊട്ടാസ്യവും രക്തസമ്മര്‍ദം ലഘൂകരിക്കും.
സന്തോഷം നല്‍കും:- ഏത്തപ്പഴത്തിലെ ട്രിപ്‌റ്റോഫാന്‍(Tryptophan) എന്ന അമിനോ ആസിഡ് തന്മാത്രകള്‍ ശരീരത്തില്‍ സിറോട്ടോനിന്‍ എന്ന ഹോര്‍മോണ്‍ ഉത്പാദനം വര്‍ധിപ്പിക്കും. ഇത് നമുക്ക് സന്തോഷം നല്‍കും.
ഓര്‍മയും ബുദ്ധിയും വര്‍ധിപ്പിക്കും:- തലച്ചോറിനെ ഉന്മേഷഭരിതമാക്കാനും ഏത്തപ്പഴത്തിലെ ട്രിപ്‌റ്റോഫാന്‍(Tryptophan) തന്മാത്രകള്‍ക്കാവും. ഇത് നമ്മുടെ ബുദ്ധി, ഓര്‍മശക്തി എന്നിവയെ പ്രകാശപൂരിതമാക്കും.
ശരീരവണ്ണം വര്‍ധിപ്പിക്കില്ല:- ഡയറ്റിംഗ് ചെയ്യുന്നവര്‍ക്കൊരു മുതല്‍ക്കൂട്ടാണ് ഏത്തപ്പഴം. ശരീരവണ്ണം വര്‍ധിപ്പിക്കാത്തതിനാല്‍ ഇത് ദിവസേനയുള്ള ആഹാരത്തിന്റെ ഭാഗമാക്കുന്നതില്‍ പേടി വേണ്ട.
മദ്യപാനികളെ സഹായിക്കും:- ഏത്തപ്പഴം- പാല്‍ ഷേക്കില്‍ തേന്‍ ചേര്‍ത്ത് നല്‍കിയാല്‍ മദ്യപാനികളുടെ വയറിന്റെ അസ്വസ്ഥതകള്‍ മാറും. നിര്‍ജലീകരണം മൂലം ശരീരം തളര്‍ന്നുപോകുന്ന പ്രശ്‌നങ്ങള്‍ക്കും പരിഹാരമാണ് തേനും പാലും ചേര്‍ത്ത ഏത്തപ്പഴ ഷേക്ക്.
