FOURTH SPECIAL
മുപ്പത്തൈവരുടെ തെയ്യത്തുനാട്
ഒരു നാടിന്റെ തന്നെ ഉണര്‍വും ഉത്സാഹവുമായി മാറിയ പെരുങ്കളിയാട്ടത്തില്‍ പങ്കെടുക്കാന്‍ കണ്ണൂരിനകത്തും പുറത്തും നിന്നുമായി പതിനായിരങ്ങളാണ് ഒഴുകിയെത്തിയത്
31 തെയ്യങ്ങള്‍ ഒരുമിച്ചു കെട്ടിയാടുന്ന പെരുങ്കളിയാട്ടം അപൂര്‍വങ്ങളില്‍ അപൂര്‍വമാണ്. കണ്ണൂര്‍ ചിറക്കല്‍ കോവില്‍ ചാമുണ്ഡിക്കോട്ടത്ത് 45 വര്‍ഷങ്ങള്‍ക്കു ശേഷം നടന്ന പെരുങ്കളിയാട്ടത്തില്‍ ചിറക്കല്‍ കോവിലകത്തിന്റെ പരദൈവങ്ങളായ മുപ്പത്തൈവരിലെ തെയ്യങ്ങള്‍ ഉള്‍പ്പെടെ 31 തെയ്യങ്ങളാണ് ഇത്തവണ കെട്ടിയാടിയത്. ജീവിതത്തില്‍ ഇന്നേവരെ കാണാത്ത നിരവധി തെയ്യങ്ങള്‍ ഒരുമിച്ച് കാണാന്‍ കഴിഞ്ഞതിന്റെ സന്തോഷത്തിലാണ് ചിറക്കല്‍ ദേശവാസികള്‍. ഒരു നാടിന്റെ തന്നെ ഉണര്‍വും ഉത്സാഹവുമായി മാറിയ പെരുങ്കളിയാട്ടത്തില്‍ പങ്കെടുക്കാന്‍ കണ്ണൂരിനകത്തും പുറത്തും നിന്നുമായി പതിനായിരങ്ങളാണ് ഒഴുകിയെത്തിയത്.
