FOURTH SPECIAL
ജനങ്ങളുപേക്ഷിച്ച ഗ്രാമങ്ങള്‍, വാഗമൺ ചെരുവിലെ പ്രേതഭൂമി
രണ്ട് വര്‍ഷം കൊണ്ട് കൂട്ടിക്കലും കൊക്കയാറും മാറി. ഒറ്റപ്പെട്ട്, ശ്മശാന മൂകതയുടെ ഗ്രാമങ്ങളാണ് ഇവ ഇപ്പോൾ
പച്ചപുതഞ്ഞ വാഗമണ്‍ മലകളുടെ താഴ്‌വര. കോട്ടയം ജില്ലയിലെ കൂട്ടിക്കല്‍ പഞ്ചായത്തും ഇടുക്കി ജില്ലയിലെ കൊക്കയാര്‍ പഞ്ചായത്തും ഈ താഴ്വരയിലാണ്. മലയോര ഗ്രാമങ്ങളിലെ സ്വാഭാവിക ജീവിതമായിരുന്നു ഈ ഗ്രാമങ്ങളിലും. പക്ഷേ രണ്ട് വര്‍ഷം കൊണ്ട് ഈ ഗ്രാമങ്ങള്‍ മാറി.
രണ്ട് വര്‍ഷത്തിനിടയില്‍ 200ല്‍ അധികം ഉരുള്‍പൊട്ടലുകളും അഞ്ഞൂറില്‍ അധികം മണ്ണിടിച്ചിലുകളുമുണ്ടായി. മുഴുവനായും തകര്‍ന്ന ഗ്രാമത്തില്‍ നില്‍ക്കാനാവാതെ ആളുകള്‍ കൂട്ട പലായനത്തിലാണ്. അഞ്ഞൂറിൽ അധികം കുടുംബങ്ങള്‍ ഈ ഗ്രാമങ്ങളില്‍ നിന്ന് ഒഴിഞ്ഞു. ഒറ്റപ്പെട്ട്, ശ്മശാന മൂകതയുടെ ഗ്രാമങ്ങളാണ് ഇപ്പോള്‍ കൂട്ടിക്കലും കൊക്കയാറും.
