കാത്തിരിപ്പിനൊടുവിൽ കർണാടക നിയമസഭാ തിരഞ്ഞെടുപ്പ് ഫലമിന്ന്. വോട്ടെണ്ണൽ എട്ടു മണിക്ക് തുടങ്ങും. എട്ടുമണിയോടെ പോസ്റ്റൽ വോട്ടുകൾ എണ്ണിത്തുടങ്ങും . ഒൻപത് മണിയോടെ ഇവിഎം വോട്ടുകൾ എണ്ണിത്തുടങ്ങുന്നതോടെ ആദ്യ ഫല സൂചനകൾ ലഭ്യമാകും.
കര്‍ണാടകാ തിരഞ്ഞെടുപ്പില്‍ ഇത്തവണ ഉണ്ടായത് റെക്കോര്‍ഡ് പോളിങ്. 73.19%വോട്ടര്‍മാര്‍ സമ്മതിദാനാവകാശം വിനിയോഗിച്ചു. 2018 ല്‍ 72.44 ശതമാനം ആയിരുന്നു പോളിങ്.
ആകെയുള്ളത് 224 മണ്ഡലങ്ങള്‍. കേവലഭൂരിപക്ഷത്തിനാവശ്യം 113 സീറ്റ്. തൂക്കു നിയമസഭയാകും സംസ്ഥാനത്തെന്നാണ് മിക്ക എക്സിറ്റ് പോളുകളുടെയും പ്രവചനം. കോണ്‍ഗ്രസിന് നേരിയ മുന്‍തൂക്കമുണ്ടാകുമെന്നും പ്രവചിക്കുന്നു.
2018 തിരഞ്ഞെടുപ്പില്‍ ബിജെപി നേടിയത് 104 സീറ്റുകളിലെ വിജയം. കോണ്‍ഗ്രസ്-80, ജെഡിഎസ്-37, മറ്റുള്ളവര്‍-3 എന്നതായിരുന്നു അന്ന് കക്ഷിനില. കൂടുതല്‍ സീറ്റുകള്‍ നേടി ബിജെപി അന്ന് ഏറ്റവും വലിയ ഒറ്റ കക്ഷി ആയെങ്കിലും സംസ്ഥാനത്ത് ബിജെപിയേക്കാള്‍ വോട്ട് വിഹിതം കോണ്‍ഗ്രസിനായിരുന്നു.
ഹുബ്ലിയിലെ അശോക നഗറിലുള്ള ആഞ്ജനേയ ക്ഷേത്രത്തിൽ ദർശനം നടത്തി മുഖ്യമന്ത്രി ബസവരാജ്‌ ബൊമ്മെ
''ബിജെപിയെ അധികാരത്തില്‍ നിന്ന് പുറത്താക്കാന്‍ ഞങ്ങള്‍ എന്ത് ചെയ്യും. സിദ്ധരാമയ്യ തന്നെ മുഖ്യമന്ത്രിയാകണം.'' സിദ്ധരാമയ്യയുടെ മകൻ യതീന്ദ്ര സിദ്ധരാമയ്യ
തെക്കേ ഇന്ത്യയിൽ അധികാരമുണ്ടായിരുന്ന ഏക സംസ്ഥാനമായ കർണാടകയും ബിജെപിയെ കൈവിട്ടു. ജെഡിഎസുമായി ചേർന്നാൽ പോലും സർക്കാരുണ്ടാക്കാനാകാത്ത വിധം മോശം പ്രകടനമാണ് ഇത്തവണ ബിജെപിയുടേത്. ഭരണത്തുടർച്ച ലക്ഷ്യമിട്ട് ഇറങ്ങിയ ബിജെപിയുടെ എട്ടോളം മന്ത്രിമാരും പിന്നിലാണ്.
കോൺഗ്രസ് തരംഗത്തിനിടയിലും ജഗദീഷ് ഷെട്ടാറിന് തോൽവി. ഹുബ്ബള്ളി- ധൻവാഡ് സെൻട്രൽ മണ്ഡലത്തിൽ ബിജെപിയുടെ മഹേഷ് തേങ്കിനക്കിയാണ് ഷെട്ടാറിനെ തോൽപ്പിച്ചത്. സീറ്റ് നിഷേധിച്ചതിനെ തുടർന്നാണ് മുതിർന്ന ബിജെപി നേതാവും മുൻ മുഖ്യമന്ത്രിയുമായ ഷെട്ടാർ കോൺഗ്രസ് പാളയത്തിലെത്തിയത്
ബെല്ലാരി റൂറലിൽ ഗതാഗതമന്ത്രി ബി ശ്രീരാമലു തോറ്റു. കോൺഗ്രസിലെ ബി നാഗേന്ദ്രയ്ക്ക് ജയം
എച്ച് ഡി കുമാരസ്വാമിയുടെ മകൻ നിഖിൽ കുമാരസ്വാമി രാമനഗരയിൽ തോറ്റു.
കർണാടകയിൽ വെറുപ്പിന്റെ വ്യാപാരം അവസാനിപ്പിച്ച് സ്നേഹത്തിന്റെ കട തുറന്നെന്ന് രാഹുൽ ഗാന്ധി. കോൺഗ്രസിന്റെ വിജയത്തിൽ പ്രവർത്തകരെയും നേതാക്കളെയും അഭിനന്ദിച്ച രാഹുൽ എല്ലാവർക്കും നന്ദിയുമറിയിച്ചു. ചങ്ങാത്ത മുതലാളിത്തത്തെ പാവപ്പെട്ടവരുടെ കരുത്ത് തോല്‍പ്പിച്ചതാണ് കർണാടകയിൽ കണ്ടത്. സ്‌നേഹത്തോടെ മനസ് തുറന്നാണ് ഈ പോരാട്ടം കോൺഗ്രസ് നയിച്ചത്. രാജ്യത്തിനിഷ്ടം സ്‌നേഹമെന്ന് കർണാടക തെളിയിച്ചെന്നും എഐസിസി ആസ്ഥാനത്ത് രാഹുൽ ഗാന്ധിയുടെ പ്രതികരണം.
