മധ്യപ്രദേശില്‍ ബസ് ട്രക്കിന് പിന്നിലിടിച്ച് അപകടം, 14 പേര്‍ കൊല്ലപ്പെട്ടു

മധ്യപ്രദേശിലെ റീവയില്‍ ബസ് ട്രക്കിലിടിച്ച് വന്‍ അപകടം. അപകടത്തില്‍ 14 പേര്‍ കൊല്ലപ്പെട്ടതായും 40 പേര്‍ക്ക് പരിക്കേറ്റെന്നുമാണ് റിപ്പോര്‍ട്ട്.

ഹൈദരാബാദില്‍ നിന്ന് ഗോരഖ്പൂരിലേക്ക് പോവുകയായിരുന്നു ബസ്. ബസിലുണ്ടായിരുന്നവരെല്ലാം ഉത്തര്‍പ്രദേശ് സ്വദേശികളാണ്. ദീപാവലി അവധിയ്ക്ക് നാട്ടിലേക്ക് മടങ്ങിയവരാണ് അപകടത്തില്‍ പെട്ടത് എന്നാണ് റിപ്പോര്‍ട്ടുകള്‍. പരിക്കേറ്റവരെ റീവയിലെ സഞ്ജയ് ഗാന്ധി ആശുപത്രിയിലേക്ക് മാറ്റി.

ട്രോളി ലോറിക്ക് പിന്നിലാണ് ബസ് ഇടിച്ച് കയറിയത്. പോലീസുകാരും നാട്ടുകാരും ചേര്‍ന്നാണ് രക്ഷാ പ്രവര്‍ത്തനം നടക്കിയത്. പരിക്കേറ്റവരെ ആശുപത്രിയിലേക്ക് മാറ്റിയതായി റീവ ജില്ലാ കളക്ടര്‍ മനോജ് പുഷ്പ് മാധ്യമങ്ങേേളാട് പ്രതികരിച്ചു.