INDIA
ദലൈലാമയെ പിന്തുടര്‍ന്നു; ചൈനീസ് യുവതി ബിഹാറില്‍ കസ്റ്റഡിയില്‍
യുവതിയെ ചൈനയിലേക്ക് നാടുകടത്തിയേക്കും
ചാരവൃത്തിയില്‍ ഏര്‍പ്പെട്ടെന്ന സംശയത്തിന്റെ പേരില്‍ ചൈനീസ് യുവതി ബീഹാറില്‍ പിടിയില്‍. ദലൈലാമയുടെ ബിഹാര്‍ സന്ദര്‍ശനം ആരംഭിക്കാനിരിക്കെയാണ് ബോധ് ഗയയില്‍ നിന്നും സുരക്ഷാ സേന യുവതിയെ കസ്റ്റഡിയില്‍ എടുക്കുന്നത്. സുരക്ഷ ഏജന്‍സികള്‍ നല്‍കിയ വിവരങ്ങളുടെ അടിസ്ഥാനത്തിലായിരുന്നു സോങ് ഷിയോളന്‍ എന്ന് പേരുള്ള ചൈനീസ് യുവതിയെ പോലീസ് പിടികൂടിയത്. ഇവരെ ചൈനയിലേക്ക് നാടുകടത്തിയേക്കും.
മൂന്നു ദിവസത്തെ സന്ദര്‍ശനത്തിനാണ് ദലൈലാമ ബിഹാറിലെ ബോധ് ഗയയില്‍ എത്തുക. ഇതിന് മുന്നോടിയായി ബോധ് ഗയയില്‍ ക്ഷേത്രസമുച്ചയത്തില്‍ സുരക്ഷാ സന്നാഹങ്ങള്‍ ശക്തമായിരുന്നു. കോവിഡ് മഹാമാരിയെ തുടര്‍ന്ന് ബോധ് ഗയയിലേക്കുള്ള ദലൈലാമയുടെ യാത്രമുടങ്ങിയിരുന്നു. രണ്ടുവര്‍ഷങ്ങള്‍ക്കു ശേഷമാണ് അദ്ദേഹം ബിഹാറില്‍ എത്തിയത്. കല്‍ചക്ര മൈതാനിയില്‍ ദലൈലാമയുടെ പ്രഭാഷണം നടക്കുമെന്നും റിപ്പോര്‍ട്ടുകളുണ്ട്.
