വിരാംഗം മണ്ഡലത്തില്‍ ബിജെപിയുടെ ഹാര്‍ദിക് പട്ടേല്‍ 6720 വോട്ടുകളുമായി ലീഡ് ചെയ്യുന്നു. 6340 വോട്ടുകളുമായി ആം ആദ്മി പാര്‍ട്ടിയുടെ അമര്‍ സിന്‍ഹ പുറകില്‍
ഗുജറാത്തില്‍ ബിജെപി വന്‍ ഭൂരിപക്ഷത്തില്‍ ലീഡ് ചെയ്യുന്നു. 2017 തിരഞ്ഞെടുപ്പില്‍ 99 സീറ്റ് നേടിയ ബിജെപി ഇത്തവണ മണിക്കൂറുകള്‍ക്കം തന്നെ 100 സീറ്റ് ലീഡ് മറികടന്നു. ഇതോടെ ഗുജാത്തില്‍ വീണ്ടും തുടര്‍ഭരണം ഉറപ്പിക്കുകയാണ് ബിജെപി.
ഗുജറാത്തില്‍ ഏഴാം തവണയും ചരിത്ര വിജയം നേടി ബിജെപി അധികാരത്തിലേറിയപ്പോള്‍ ഹിമാചലില്‍ മോദി പ്രഭാവത്തെ അതിജീവിച്ച് കോണ്‍ഗ്രസ് അധികാരം പിടിച്ചെടുത്തു. ഗുജറാത്ത് മുഖ്യമന്ത്രിയായി ഭൂപേന്ദ്ര പട്ടേൽ വീണ്ടും തിങ്കളാഴ്ച ഉച്ചയ്ക്ക് 2 മണിക്ക് സത്യപ്രതിജ്ഞ ചെയ്യും. മോര്‍ബി പാലം തകര്‍ച്ചയുള്‍പ്പെടെയുള്ള വിഷയങ്ങള്‍ പ്രതിപക്ഷം ആയുധമാക്കിയെങ്കിലും അതൊന്നും ഫലം കണ്ടില്ലെന്ന് തിരഞ്ഞെടുപ്പ് ഫലം വ്യക്തമാക്കുന്നു. കോണ്‍ഗ്രസിന് ഗുജറാത്തിലേറ്റ തിരിച്ചടിക്ക് കാരണം ആം ആദ്മിയിലേക്ക് പോയ വോട്ടുകളാണെന്ന് വോട്ടിന്റെ ശതമാന കണക്കുകള്‍ തെളിയിക്കുന്നു.
