ഉത്തർപ്രദേശിൽ ട്രെയിൻ പാളം തെറ്റി; രണ്ടു പേരുടെ മരണം സ്ഥിരീകരിച്ചു, നിരവധി പേർക്ക് പരുക്ക്

ഉത്തർപ്രദേശിൽ ട്രെയിൻ പാളം തെറ്റിയുണ്ടായ അപകടത്തിൽ നിരവധി പേർക്ക് പരുക്ക്. രണ്ടു പേരുടെ മരണം സ്ഥിരീകരിച്ചു. 15904 നമ്പർ ചണ്ഡീഗഡ് - ദിബ്രുഗഡ് എക്‌സ്പ്രസ് ആണ് ഉത്തർപ്രദേശിലെ ഗോണ്ടയിൽ വെച്ച് അപകടത്തിൽപ്പെട്ടത്.

അസമിലെ ദിബ്രുഗഡിലേക്കുള്ള യാത്രക്കിടയിലാണ് ട്രെയിൻ പാളംതെറ്റിയതത്. ചുരുങ്ങിയത് പത്തോളം കോച്ചുകൾ പാളംതെറ്റിയതായാണ് വിവരം.

കോച്ചുകളിൽ നിരവധി പേർ കുടുങ്ങി കിടക്കുന്നതായിട്ടാണ് വിവരം.

ഉദ്യോഗസ്ഥരോടും രക്ഷാപ്രവർത്തകരോടും സംഭവസ്ഥലത്ത് എത്താൻ മുഖ്യമന്ത്രി യോഗി ആദിത്യനാഥ് നിർദേശം നൽകി. ചുരുങ്ങിയത് 25 പേർക്കെങ്കിലും ഗുരുതര പരിക്കേറ്റതായി ദേശീയമാധ്യമങ്ങൾ റിപ്പോർട്ട് ചെയ്തു.

ഗോണ്ട-മങ്കപൂർ സെക്ഷനിലാണ് അപകടം നടന്നത്. അപകടത്തിൽ സ്ഥിതിഗതികൾ നിരീക്ഷിച്ചുവരികയാണെന്ന് അസം മുഖ്യമന്ത്രി ഹിമന്ത ബിശ്വ ശർമ്മ പറഞ്ഞു.